एतद्भृगुकृतं स्तोत्रं भक्तियुक्तश्च यः पठेत्
स पूजितश्च त्रैलोक्ये तत्रैव विजयी भवेत्
एतस्मिन्नन्तरे ब्रह्मा भृगुं धर्मभृतां वरम्
ब्रह्मोवाच सुचन्द्रजयहेतुं च प्रतिज्ञाफलमेव च
दशाक्षरी महाविद्या दत्ता दुर्वाससा पुरा
कवचं भद्रकाल्याश्च देवानां च सुदुर्लभम् 3.36.
अतीव पूज्यं शस्तं च त्रैलोक्यजयकारणम्
भृगो गच्छतु भिक्षार्थं करोतु प्रार्थनां नृपम्
प्राणांश्च कवचं मन्त्रं सर्वं दास्यति निश्चितम्
भृगुः संन्यासिवेषेण गत्वा राजान्तिकं मुने
राजा ददौ च तन्मन्त्रं कवचं परमादरात्
कवचं श्रोतुमिच्छामि तां च विद्यां दशाक्षरीम्
नारायण उवाच गोपनीयं च कवचं त्रिषु लोकेषु दुर्लभम्
ॐ ह्रीं श्रीं क्लीं कालिकायै स्वाहेति च दशाक्षरीम्
दशलक्षजपेनैव मन्त्रसिद्धिः कृता पुरा
बभूव सिद्धकवचोऽप्ययोध्यामाजगाम सः
नारद उवाच अधुना श्रोतुमिच्छामि कवचं ब्रूहि मे प्रभो
नारायण उवाच नारायणेन यद्दत्तं कृपया शूलिने पुरा
त्रिपुरस्य वधे घोरे शिवस्य विजयाय च
दुर्वाससा च यद्दत्तं सुचन्द्राय महात्मने
ॐ ह्रीं श्रीं क्लीं कालिकायै स्वाहा मे पातु मस्तकम् 3.37.
ॐ ह्रीं त्रिलोचने स्वाहा नासिकां मे सदाऽवतु
क्लीं भद्रकालिके स्वाहा पातु मेऽधरयुग्मकम्
ॐ ह्रीं कालिकायै स्वाहा कर्णयुग्मं सदाऽवतु
ॐ क्रीं भद्रकाल्यै स्वाहा मम वक्षः सदाऽवतु
ॐ ह्रीं कालिकायै स्वाहा मम पृष्ठं सदाऽवतु
ॐ ह्रीं क्लीं मुण्डमालिन्यै स्वाहा पादौ सदावतु
प्राच्यां पातु महाकाली चाग्नेय्यां रक्तदन्तिका
श्यामा च वारुणे पातु वायव्यां पातु चण्डिका
पातूर्ध्वं लोलजिह्वा सा मायाऽऽद्या पात्वधः सदा