दाता वरिष्ठो धर्म्मिष्ठो यशस्वी पुण्यवान्सुधीः
पुरातना वदन्तीति बन्दिनो धरणीतले
दुर्वाक्यं दुःसहं राजंस्तीक्ष्णास्त्रादपि जीविनाम्
न ददामि द्विरुक्तिं ते प्रकृतं कथयाम्यहम्
सूर्य्यचन्द्रमनूनां च वंशजाः सन्ति संसदि
शृण्वन्तु सर्वे राजेन्द्राः सदसद्वक्तुमीश्वराः
इत्युक्त्वा रैणुकेयश्च विरराम रणस्थले
कार्त्तवीर्य्यार्जुन उवाच श्रुतो धर्मो मुखाद्येषां त्वं च तेषां गुरोर्गुरुः
कर्म्मणा वाऽप्यसद्बुध्या करोति ब्रह्मभावनाम् 3.35.
अन्तर्बहिश्च मननात्कुरुत कर्म्म नित्यशः
स्वर्णे लोष्टे गृहेऽरण्ये पंके सुस्निग्धचन्दने
सर्वजीवेषु यो विष्णुं भावयेत्समता धिया
तपोधनं ब्राह्मणानां तपः कल्पतरुर्यथा
ऐश्वर्य्ये क्षत्रियाणां च वाणिज्ये च तथा विशाम्
ब्राह्मणानां विवादे च स्पृहाऽतीव विनिन्दिता
रागी राजसिकं कार्य्यं कुरुते कर्म्म रागतः
रागतः कामधेनुश्च मया वै याचिता मुने
कुतः कस्य मुनेरस्ति कामधेनुस्त्वया विना
त्रिंशदक्षौहिणीं सेनां राजेन्द्राणां त्रिकोटिकाम् 3.35.
आत्मानं हन्तुमायान्तमपि वेदांगपारगम्
प्रायश्चित्तं हिंसकानां न वेदेषु निरूपितम्
पित्रा ते निहता भूपा महाबलपराक्रमाः
त्रिःसप्तकृत्वो निर्भूपां कृत्स्नां कर्तुं महीमिति
क्षत्रियाणां रणो धर्मो रणे मृत्युर्न गर्हितः
तपोधनानां विप्राणां वाग्बलानां युगे युगे
क्षत्रियाणां बलं युद्धं व्यापारश्च बलं विशाम्
हरौ भक्तिर्हरेर्दास्यं वैष्णवानां बलं हरिः
बलं वेषश्च वेश्यानां योषितां यौवनं बलम्
सतां सत्यं बलं मिथ्या बलमेवासतां सदा 3.35.
विद्या बलं पण्डितानां धैर्य्यं साहसिनां बलम्