को वाऽस्य मन्त्रस्याराध्यः किं फलं कवचस्य च
नारायण उवाच गोलोकनाथः श्रीकृष्णो गोपगोपीश्वरः प्रभुः
त्रैलोक्यविजयं नाम कवचं परमाद्भुतम्
मन्त्रं कल्पतरुं नाम सर्वकामफलप्रदम्
स्वयंप्रभानदीतीरे पारिजातवनान्तरे
महादेव उवाच पुत्राधिकोऽसि प्रेम्णा मे कवचग्रहणं कुरु
शृणु राम प्रवक्ष्यामि ब्रह्माण्डे परमाद्भुतम्
श्रीकृष्णेन पुरा दत्तं गोलोके राधिकाश्रमे
अतिगुह्यतरं तत्त्वं सर्वमन्त्रौघविग्रहम् 3.31.
यद्धृत्वा पठनाद्देवी मूलप्रकृतिरीश्वरी
यद्धृत्वाऽहं च जगतां संहर्त्ता सर्वतत्त्ववित्
यद्धृत्वा पठनाद्ब्रह्मा ससृजे सृष्टिमुत्तमाम्
यद्धृत्वा कूर्मराजश्च शेषं धत्ते हि लीलया
यद्धृत्वा वरुणः सिद्धः कुबेरश्च धनेश्वरः
यद्धृत्वा भाति भुवने तेजोराशिः स्वयं रविः
अगस्त्यः सागरान्सप्त यद्धृत्वा पठनात्पपौ
यद्धृत्वा पठनाद्देवी सर्वाधारा वसुन्धरा
यद्धृत्वा जगतां साक्षी धर्मो धर्मभृतां वरः
यद्धृत्वा जगतां लक्ष्मीरन्नदात्री परात्परा 3.31.
वेदाश्च धर्म्मवक्तारो यद्धृत्वा पठनाद् भृगो सनत्कुमारो भगवान्यद्धृत्वा ज्ञानिनां वरः
दातव्यं कृष्णभक्ताय साधवे च महात्मने
त्रैलोक्यविजयस्यास्य कवचस्य प्रजापतिः
त्रैलोक्यविजयप्राप्तौ विनियोगः प्रकीर्त्तितः
प्रणवो मे शिरः पातु श्रीकृष्णाय नमः सदा
कृष्णेति पातु नेत्रे च कृष्ण स्वाहेति तारकम्
ॐ गोविंदाय स्वाहेति नासिकां पातु सन्ततम्
ॐ नमो गोपाङ्गनेशाय कर्णौ पातु सदा मम
ॐ गोविन्दाय स्वाहेति दन्तौघं मे सदाऽवतु
ॐ श्रीकृष्णाय स्वाहेति जिह्विकां पातु मे सदा 3.31.
राधिकेशाय स्वाहेति कण्ठं पातु सदा मम