तोयांशं च तथा तोयं शून्यांशं गगनं तथा
सर्वे विलीनाः सर्वेषु को वाऽऽयास्यति रोदनात्
वेदोक्तं चैव यत्कर्म कुरु तत्पारलौकिकम्
भृगोस्तद्वचनं श्रुत्वा शोकं तत्याज तत्क्षणम्
रेणुकोवाच ।। ब्रह्मन्ननुगमिष्यामि प्राणनाथस्य साम्प्रतम् । ऋतोश्चतुर्थदिवसे मृतोऽयं चाद्य मानदः
कर्त्तव्या का व्यवस्थाऽत्र वद वेदविदां वर
भृगुरुवाच चतुर्थदिवसं शुद्धं स्वामिनः सर्वकर्मसु
शुद्धा भर्त्तुश्चतुर्थेऽह्नि न शुद्धा दैवपित्र्ययोः
व्यालग्राही यथा व्यालं बिलादुद्धरते बलात्
मोदते स्वामिना तत्र यावदिन्द्राश्चतुर्दश
स पुत्रो भक्तिदाता यः सा च स्त्री याऽनुगच्छति
सोऽभीष्टदेवो यो रक्षेत्स राजा पालयेत्प्रजाः
स गुरुर्धर्मदाता यो हरिभक्तिप्रदायकः
रेणुकोवाच का वाऽप्यशक्ता नारीषु तन्मे ब्रूहि तपोधन
भृगुरुवाच रजस्वला च कुलटा गलितव्याधिसंयुता
पतिसेवाविहीना या ह्यभक्ता कटुभाषिणी
संस्कृताग्निं पुरो दत्त्वा चितासु शयितं पतिम्
अनुगच्छन्ति याः कान्तं तमेव प्राप्नुवन्ति ताः
इयं ते कथिता साध्वि व्यवस्था गृहिणां ध्रुवम्
या साध्वी वैष्णवं कान्तं यत्र यत्रानुगच्छति
विशेषो नास्ति भक्तानां तीर्थे वाऽन्यत्र नारद
तयोः पातो नास्ति तस्मान्महति प्रलयं सति
तीर्थे ज्ञानमृतश्चापि वैकुण्ठं याति निश्चितम्
इत्युक्त्वा रेणुकां तत्र जामदग्न्यमुवाच ह
एहि वत्स महाभाग त्यज शोकममङ्गलम्
वस्त्रयज्ञोपवीतं च नूतनं परिधापय
अरणीसंभवाग्निं च गृहाण प्रीतिपूर्वकम्
गयादीनि च तीर्थानि ये च पुण्याः शिलोच्चयाः
कौशिकीं चन्द्रभागां च सर्वपापप्रणाशिनीम्
पुष्पभद्रां च भद्रां च नर्मदां च सरस्वतीम्