ब्रह्मणे च पुरा दत्तं विष्टपे च जलप्लुते
बभूवुर्मनवः सर्वे सर्वैश्वर्ययुता यतः
पङ्क्तिश्छन्दश्च सा देवी स्वयं पद्मालया वरा यद्धृत्वा कवचं लोकः सर्वत्र विजयी भवेत्
मस्तकं पातु मे पद्मा कण्ठं पातु हरिप्रिया
केशान्केशवकान्ता च कपालं कमलालया
ॐ श्रीं कमलवासिन्यै स्वाहा पृष्ठं सदाऽवतु पातु श्रीर्मम कङ्कालं बाहुयुग्मं च ते नमः
ॐ ह्रीं श्रीं लक्ष्म्यै नमः पादौ पातु मे संततं चिरम्
ॐ श्रीं महालक्ष्म्यै स्वाहा सर्वाङ्गं पातु मे सदा
इति ते कथितं वत्स सर्वसम्पत्करं परम्
गुरुमभ्यर्च्य विधिवत्कवचं धारयेत्तु यः
महालक्ष्मीर्गृहं तस्य न जहाति कदाचन
इदं कवचमज्ञात्वा भजेल्लक्ष्मीं स मन्दधीः
नारायण उवाच सन्तुष्टश्च जगन्नाथो जगतां हितकारणम्
ॐ ह्रीं श्रीं क्लीं नमो महालक्ष्म्यै स्वाहा
ध्यानं च सामवेदोक्तं गोपनीयं सुदुर्लभम्
श्वेतचम्पकवर्णाभां शतचन्द्रसमप्रभाम्
ईषद्धास्यप्रसन्नास्यां भक्तानुग्रहकारिकाम्
शान्तां च श्रीहरेः कान्तां तां भजेज्जगतां प्रसूम्
ध्यानेनानेन देवेन्द्रो ध्यात्वा लक्ष्मीं मनोहराम्
स्तुत्वाऽनेन स्तवेनैव वक्ष्यमाणेन वासव
स्तवनं शृणु देवेन्द्र महालक्ष्म्याः सुखप्रदम्
नारायण उवाच बुद्धेरगोचरां सूक्ष्मां तेजोरूपां सनातनीम्
स्वेच्छामयीं निराकारां भक्तानुग्रहविग्रहाम्
परां चतुर्णां वेदानां पारबीजं भवार्णवे
योगिनां चैव योगानां ज्ञानानां ज्ञानिनां तथा
यया विना जगत्सर्वमबीजं निष्फलं ध्रुवम्
प्रसीद जगतां माता रक्षास्मानतिकातरान्
नमः शक्तिस्वरूपायै जगन्मात्रे नमो नमः
हरिभक्तिप्रदायिन्यै मुक्तिदायै नमो नमः
कुपुत्राः कुत्रचित्सन्ति न कुत्रापि कुमातरः