प्राप्नोति शैवं मन्त्रं च सर्वदं मानवो मुदा
प्राप्नोति मायामन्त्रं च त्वत्पदाब्जप्रसादतः
नारायणकलां सेव्यां समवाप्नोति मानवः
कृष्णभक्तिमवाप्नोति भक्तसंसर्गहैतुकीम्
प्राप्नोति परिपक्वां च भक्तिं भक्तनिषेवया श्रीकृष्णमन्त्रं प्राप्नोति निर्वाणफलदं परम्
कृष्णव्रतं कृष्णमन्त्रं सर्वकामफलप्रदम्
महति प्रलये पातः सर्वेषां वै सुनिश्चितम्
अविनाशिनि गोलोके मोदन्ते कृष्णकिंकराः
त्वं संहर्त्ता च सर्वेषां न भक्तानां महेश्वर
माया नारायणी माता सर्वेषां कृष्णभक्तिदा
सा च नारायणी माया मूलप्रकृतिरीश्वरी
सा च तेजस्स्वरूपा च स्वेच्छाविग्रहधारिणी
निहत्य दैत्यसंघांश्च दक्षपत्न्यां च भारते
त्यक्त्वा देहं पितुर्यज्ञे सा सती तव निन्दया
गृहीत्वा विग्रहं तस्या गुणरूपाश्रय परम्
प्रबोधितो मया त्वं च श्रीशैलेषु सरित्तटे
करोतु पुण्यकं साध्वी सुव्रता सुव्रतं शिवा
राजसूयसहस्राणां व्रते यत्र धनव्ययः
स्वयं भूतेशनाथस्त्वं पुण्यकस्य प्रभावतः
स्वयं देवगणानां स यस्मादीशः कृपानिधिः
यस्य स्मरणमात्रेण विघ्ननाशो भवेद्ध्रुवम्
नानाविधानि द्रव्याणि यस्माद्देयानि पुण्यके
शनिदृष्ट्या शिरश्छेदाद्गजवक्त्रेण योजितः
दन्तभङ्गः परशुना पर्शुरामस्य वै यतः
पूज्यश्च सर्वदेवानामस्माकं जगतां विभुः
पूजासु सर्वदेवानामग्रे संपूज्य तं जनः
गणेशपूजने विघ्नं निर्मूलं जगतां भवेत्
मोक्षश्च पापनाशश्च यशश्चैश्वर्यमुत्तमम्
स्वबुद्धिशुद्धिजननं कीर्त्तितं वह्निपूजनम्
दाता भोक्ता च भवति शंकराग्निनिषेवणात्