पुरा त्यक्त्वा स्वदेहं च पितृयज्ञे च मानिनी
सर्वं जानासि वृत्तान्तं सर्वज्ञं त्वां वदामि किम्
दुर्निवार्य्यश्च सर्वेश स्त्रीस्वभावश्च चापलः
जितेन्द्रियैर्जितक्रोधैः स्त्रीरूपं मोहकारणम्
ब्रह्मास्त्रं कामदेवस्य दुर्भेद्यं जयकारणम्
मोक्षद्वारकपाटं च हरिभक्तिनिरोधनम्
वैराग्यनाशबीजं च शश्वद्रागविवर्द्धनम्
अप्रत्ययानां क्षेत्रं च स्वयं कपटमूर्तिमत्
सर्वैरसाध्यमानं च दुराराध्यं च सर्वदा
सर्वं निवेदितं ब्रह्मन्कर्त्तव्यं वक्तुमर्हसि
श्रीनारायण उवाच विरराम सभामध्ये स्तुत्वा च कमलापतिम्
शङ्करस्य वचः श्रुत्वा प्रहस्य जगदीश्वरः
श्रीविष्णुरुवाच स्वामिसौभाग्यबीजं च पत्नी ते कर्तुमिच्छति
सर्वासाध्यं दुराराध्यं सर्वकामफलप्रदम्
आत्मा साक्षिस्वरूपश्च ज्योतीरूपः सनातनः
भक्तप्राणश्च भक्तेशो भक्तानुग्रहकारकः
भक्त्यधीनो हि भगवान्सर्वसिद्धो हि निष्फलः
उग्रग्रहो ग्रहाणां च ग्रहनिग्रहकारकः। त्रिकोटिजन्ममध्ये च न साध्यो भवता विना
लब्धवा हि भारते जन्म हरिभक्तिं लभेन्नरः
सूर्य्यमन्त्रमवाप्नोति केवलं स तदाशिषा
प्राप्नोति शैवं मन्त्रं च सर्वदं मानवो मुदा
प्राप्नोति मायामन्त्रं च त्वत्पदाब्जप्रसादतः
नारायणकलां सेव्यां समवाप्नोति मानवः
कृष्णभक्तिमवाप्नोति भक्तसंसर्गहैतुकीम्
प्राप्नोति परिपक्वां च भक्तिं भक्तनिषेवया श्रीकृष्णमन्त्रं प्राप्नोति निर्वाणफलदं परम्
कृष्णव्रतं कृष्णमन्त्रं सर्वकामफलप्रदम्
महति प्रलये पातः सर्वेषां वै सुनिश्चितम्
अविनाशिनि गोलोके मोदन्ते कृष्णकिंकराः
त्वं संहर्त्ता च सर्वेषां न भक्तानां महेश्वर
माया नारायणी माता सर्वेषां कृष्णभक्तिदा