यथा स्वान्तं चेन्द्रियाणां मन्दाग्निश्च रुजां यथा
महान्विराट् च स्थूलानां सूक्ष्माणां परमाणुकः
यथा दधीचिर्दातॄणां प्रह्रादश्चैव साधुषु
नृणां राजा रामचन्द्रो धन्विनां लक्ष्मणो यथा सर्वसारो यथा कृष्णो व्रतानां पुण्यकं यथा
व्रतं कुरु महाभागे त्रिषु लोकेषु दुर्लभम्
व्रताराध्यश्च वै कृष्णः सर्वेषां वाञ्छितप्रदः
हरिमन्त्रं गृहीत्वा च हरिसेवां करोति यः
उद्धृत्य कोटिपुरुषान्वैकुण्ठं याति निश्चितम्
सहोदरान्स्वभृत्यांश्च स्वबन्धून्सहचारिणः
' तस्माद्गृहाण गिरिजे हरेर्म्मन्त्रं सुदुर्लभम्
इत्युक्त्वा शंकरो देवो गत्वा गिरिजया सह
तस्यै ददौ च संप्रीत्या कवचं स्तोत्रसंयुतम्
नारायण उवाच सर्वं व्रतविधानं च संप्रष्टुमुपचक्रमे
पार्वत्युवाच हे नाथ करुणासिन्धो दीनबन्धो परात्पर
कानि व्रतोपयुक्तानि द्रव्याणि च फलानि च
देहि मह्यं विनीतायै नियुक्तं सत्पुरोहितम्
अन्यानि चोपयुक्तानि मयाऽज्ञातानि यानि च
पिता कौमारकाले च सदा पालनकारकः
. तातोऽशोकः प्राणतुल्यां दत्त्वा सत्त्वामिने सुताम्
सर्वात्मा भगवांस्त्वं च सर्वसाक्षी च सर्ववित्
' स्वात्मबोधानुमानेन महात्मनि निवेदितम्
इत्युक्त्वा पार्वती प्रीत्या पपात स्वामिनः पदे
श्रीमहादेव उवाच फलानि चैव द्रव्याणि व्रतयोग्यानि यानि च
विप्राणां शतकं शुद्धं फलपुष्पोपहारकम्
दासीनां शतकं लक्षं नियुक्तं च पुरोहितम्
प्रवरं हरिभक्तानां सर्वज्ञं ज्ञानिनां वरम्
देवि शुद्धे च काले च परं नियमपूर्वकम्
गात्रं सुनिर्मलं कृत्वा शिरस्संस्कारपूर्वकम्
अरुणोदयवेलायां तल्पादुत्थाय सुव्रती
आचम्य यत्नपूतो हि हरिस्मरणपूर्वकम्