यद्धृत्वा च महाज्ञानी नन्दी सानन्दपूर्वकम्
यद्धृत्वा शिवतुल्यश्च दुर्वासा ज्ञानिनां वरः
मन्त्रः षडक्षरोऽयं च भक्तानां कल्पपादपः
मन्त्रग्रहणमात्रेण विष्णुतुल्यो भवेन्नरः
ॐ दुर्गे रक्षयति च कण्ठं पातु सदा मम 2.67.
ॐ ह्रीं श्रीं क्लीमिति पृष्ठं च पातु मे सर्वतः सदा
ॐ श्रीं ह्रीं क्लीं पातु सर्वाङ्गं स्वप्ने जागरणे तथा
दक्षिणे भद्रकाली च नैर्ऋत्यां च महेश्वरी
उत्तरे वैष्णवी पातु तथैशान्यां शिवप्रिया
इति ते कथितं वत्स कवचं च सुदुर्लभम्
गुरुमभ्यर्च्य विधिवद्वस्त्रालंकारचन्दनैः
भ्रमणे सर्वतीर्थानां पृथिव्याश्च प्रदक्षिणे
पञ्चलक्षजपेनैव सिद्धमेतद्भवेद्ध्रुवम्
न तस्य मृत्युर्भवति जले वह्नौ विशेद्ध्रुवम्
यदि स्यात्सिद्धकवचो विष्णुतुल्यो भवेद्ध्रुवम् 2.67.
या चैव मूलप्रकृतिर्यस्याः पुत्रो गणेश्वरः
स्वांशेन कृष्णो भगवान्बभूव च गणेश्वरः
भोजयित्वा च दध्यन्नं तस्मै दद्याच्च काञ्चनम्
वासोऽलंकाररत्नैश्च तोषयेद्वाचकं मुने
पुस्तकं पूजयेदेवं भक्तिश्रद्धासमन्वितः
वर्द्धते पुत्रपौत्रादिर्यशस्वी तत्प्रसादतः लभेत्कृष्णस्य दास्यं स भक्तिं कृष्णे सुनिश्चलाम्
इति श्रीब्रह्मवैवर्त्ते महापुराणे प्रकृतिखण्डे नारदनारायणसंवादे दुर्गोपाख्याने ब्रह्माण्डमोहनकवचं नाम सप्तषष्टितमोऽध्यायः
श्रीगणेशाय नमः श्रीगुरुभ्यो नमः नारायणं नमस्कृत्य नरं चैव नरोत्तमम्
नारद उवाच सर्वोत्कृष्टमभीष्टं च मूढानां ज्ञानवर्दनम्
अधुना श्रीगणेशस्य खण्डं श्रोतुमिहागतः
कथं जज्ञे सुरश्रेष्ठः पार्वत्या उदरे शुभे
स चांशः कस्य देवस्य कथं जन्म ललाभ सः
किं वा तद्ब्रह्मतेजो वा किं तस्य च पराक्रमः
कथं तस्य पुरःपूजा विश्वेषु निखिलेषु च
पुराणेषु निगूढं च तज्जन्म परिकीर्त्तितम्