सर्वेषामीश्वरः कृष्ण इति ज्ञानं परात्परम्
देवानां चैव सर्वेषां सारः कृष्ण इति स्मृतः
पवित्राणि च तीर्थानि तद्भक्तस्पर्शवायुना
मन्त्रग्रहणमात्रेण नरो नारायणो भवेत्
मातामहानां शतकं पितॄणां च सहस्रकम्
इदं ज्ञानं सारभूतं कथितं ते नराधिप
अहं यमनुगृह्णामि तस्मै दास्यामि निर्मलाम् 2.65.
करोमि वञ्चनां यं यं तेभ्यो दास्यामि सम्पदम्
इति ते कथितं ज्ञानं गच्छ वत्स यथासुखम्
राजा संप्राप्य राज्यं च नत्वा तां प्रययौ गृहम्
इति श्रीब्रह्मवैवर्त्ते महापुराणे द्वितीये प्रकृतिखण्डे नारदनारायणसंवादे दुर्गोपाख्याने प्रकृतिसुरथसंवादे ज्ञानकथनं नाम पञ्चषष्टितमोऽध्यायः
नारद उवाच प्रकृतेः कवचं स्तोत्रं ब्रूहि मे मुनिसत्तम
नारायण उवाच संपूज्य मधुमासे च संप्रीते रासमण्डले
तत्रैव काले सा दुर्गा ब्रह्मणा प्राणसङ्कटे
पुरा त्रिपुरयुद्धे च महाघोरतरे मुने
शक्रेण सर्वदेवैश्च घोरे च प्राणसङ्कटे
संस्तुता पूजिता सा च कल्पे कल्पे परात्परा सुखदं मोक्षदं सारं भवसन्तारकारणम्
श्रीकृष्ण उवाच त्वमेवाद्या सृष्टिविधौ स्वेच्छया त्रिगुणात्मिका
कार्य्यार्थे सगुणा त्वं च वस्तुतो निर्गुणा स्वयम्
तेजस्स्वरूपा परमा भक्तानुग्रविग्रहा
सर्वबीजस्वरूपा च सर्वपूज्या निराश्रया 2.66.
सर्वबुद्धिस्वरूपा च सर्वशक्तिस्वरूपिणी
त्वं स्वाहा देवदाने च पितृदाने स्वधा स्वयम्
निद्रा त्वं च दया त्वं च तृष्णा त्वं चात्मनः प्रिया
श्रद्धा पुष्टिश्च तन्द्रा च लज्जा शोभा दया तथा
प्रीतिरूपा पुण्यवतां पापिनां कलहाङ्कुरा
देवेभ्यः स्वपदो दात्री धातुर्धात्री कृपामयी
योगिनिद्रा योगरूपा योगदात्री च योगिनाम्
ब्रह्माणी माहेश्वरी च विष्णुमाया च वैष्णवी
ग्रामे ग्रामे ग्रामदेवी गृहदेवी गृहे गृहे