पत्नीमाता तथा श्वश्रूस्तत्पिता श्वशुरः स्मृतः 1.10.
भगिनीजो भागिनेयो भ्रातृजो भ्रातृपुत्रकः
श्यालीपतिस्तु भ्राता च श्वशुरैकत्वहेतुना
अन्नदाता भयत्राता पत्नीतातस्तथैव च
अन्नदातुश्च या पत्नी भगिनी गुरुकामिनी माता च तत्सपत्नी च कन्या पुत्रप्रिया तथा
मातुर्माता पितुर्माता श्वश्रूपित्रोः स्वसा तथा
पौत्रस्तु पुत्रपुत्रे च प्रपौत्रस्तत्सुतेऽपि च
कन्यापुत्रश्च दौहित्रस्तत्पुत्राद्याश्च बांधवाः
भ्रातृपुत्रस्य पुत्राद्यास्ते पुनर्ज्ञातयः स्मृताः
गुरुकन्या च भगिनी पोष्या मातृसमा मुने
पुत्रस्य श्वशुरो भ्राता बन्धुर्वैवाहिकः स्मृतः 1.10.
गुरुश्च कन्यकायाश्च भ्राता सुस्निग्धबान्धवः
बन्धुता येन सार्द्ध च तन्मित्रं परिकीर्तितम्
बान्धवो दुःखदो दैवान्निस्सम्बन्धोऽसुखप्रदः
विद्याजो योनिजश्चैव प्रीतिजश्च प्रकीर्तितः
मित्रमाता मित्रभार्य्या मातृतुल्या न संशयः
चतुर्थं नामसम्बन्धमित्याह कमलोद्भवः
उपपत्न्यां नवज्ञा च प्रेयसी चित्तहारिणी
सम्बन्धो देशभेदे च सर्वदेशे विगर्हितः
दुस्त्यजश्च महद्भिस्तु देशभेदे विधीयते
तेजीयसां न दोषाय विद्यमाने युगे युगे ।। 1.10.
शौनक उवाच अश्विनोर्वा महाभाग किं नाम कस्य वंशजौ
सोतिरुवाच तपश्चकार कृष्णस्य लक्षवर्षं हिमालिये
महातपस्वी तेजस्वी प्रज्वलन्ब्रह्मतेजसा
वरं स वव्रे निर्लिप्तमात्मानं प्रकृतेः परम्
बभूवाकाशवाणीति कुरु दारपरिग्रहम्
पितॄणां मानसीं कन्यां ददौ तस्मै विधिः स्वयम्
यस्य स्मरणमात्रेण न भवेत्कुलिशाद्भयम्
कल्याणमित्रजननीं परित्यज्य महामुनिः
स सोदरश्च वा पूज्यो भवेति च सुराधम