ब्रह्माणीं वैष्णवीं चैव रौद्रीं माहेश्वरीं तथा
सर्वशक्तिस्वरूपां च प्रधानां सर्वमङ्गलाम्
शङ्करं कार्त्तिकेयं च सूर्य्यं सोमं हुताशनम्
चतुष्षष्टिं योगिनीनां संपूज्य विधिपूर्वकम् 2.64.
कवचं च गले बद्ध्वा पठित्वा भक्तिपूर्वकम्
बलिदानविधानं च श्रूयतां मुनिसत्तम
सहस्रवर्षं सुप्रीता दुर्गा मायातिदानतः
वर्षं मेषेण कूष्माण्डैः पक्षिभिर्हरिणैस्तथा
कृत्रिमैः पिष्टकलितैः षण्मासं पशुभिस्तथा
युवकं व्याधिहीनं च सशृंगं लक्षणान्वितम्
शिशुना बलिना दातुर्हन्ति पुत्रं च चण्डिका
घुटिकेन भवेन्मृत्युर्विघ्नं स्याच्चित्रमस्तकैः
मायातीनां स्वरूपं च श्रूयतां मुनिसत्तम 2.64.
पितृमातृविहीनं च युवकं व्याधिवर्जितम्
अजारजं विशुद्धं च सच्छूद्रपरिपोषितम्
स्नापयित्वा च तं कर्त्ता पूजयेद्वस्त्रचन्दनैः
तं च वर्षं भ्रामयित्वा भृत्यद्वारेण यत्नतः
अष्टमीनवमीसन्धौ दद्यान्मायातिमेव च
बलिं स्तुत्वा च दत्त्वा च धृत्वा च कवचं बुधः
नारद उवाच स्तोत्रं च कवचं पूजाफलं कालं वद प्रभो
नारायण उवाच उत्तरेणार्च्चयित्वा तां श्रवणायां विसर्जयेत्
आर्द्रायुक्तनवम्यां तु कृत्वा देव्याश्च बोधनम्
मूलायां तु प्रवेशे च नरमेधफलं लभेत्
कृत्वा विसर्जनं देव्याः श्रवणायां च मानवः
भुवः प्रदक्षिणं पुण्यं पूजायां लभते नरः
नवम्यां बोधनं कृत्वा पक्षं संपूज्य मानवः
सप्तम्यां पूजनं कृत्वा बलिं दद्याद्विचक्षणः
अष्टम्यां बलिदानेन विपत्तिर्जायते नृणाम्
बलिदानेन विप्रेन्द्र दुर्गाप्रीतिर्भवेन्नृणाम् 2.65.
उत्सर्गकर्त्ता दाता च च्छेत्ता पोष्टा च रक्षकः