त्रिपदीं स्थापयेत्तत्र त्रिपद्यां शंखमेव च
गङ्गे च यमुने चैव गोदावरि सरस्वति
स्वर्णरेखे कनखले पारिभद्रे च गण्डकि
पद्मावति त्रिपर्णाशे विपाशे विरजे प्रभे 2.64.
वह्निं सूर्य्यं च चन्द्रं च विष्णुं च वरुणं शिवम् नैवेद्यानि च सर्वाणि प्रोक्षयेत्तज्जलेन च
प्रत्येकं वै ततो दद्यादुपचारांश्च षोडश
मधुपर्कं गन्धमर्घ्यं पुष्पं नैवेद्यमीप्सितम्
धूपं प्रदीपं तल्पं चेत्युपचारास्तु षोडश
अमूल्यरत्नसंक्लृप्तं नानाचित्र विराजितम्
अनन्तसूत्रप्रभवमीश्वरेच्छाविनिर्मितम्
अमूल्यरत्नपात्रस्थं निर्मलं जाह्नवीजलम्
सुगन्धामलकीस्निग्धद्रवमेतत्सुदुर्लभम्
कस्तूरीकुंकुमाक्तं च सुगन्धि द्रुतचन्दनम्
माध्वीकं रत्नपात्रस्थं सुपवित्रं सुमङ्गलम् 2.64.
सुगन्धमूलचूर्णं च सुगन्धद्रव्यसंयुतम्
पवित्रं शंखपात्रस्थं दूर्वापुष्पाक्षतान्वितम्
सुगन्धि पुष्पश्रेष्ठं च पारिजाततरूद्भवम्
दिव्यं सिद्धान्नमामान्नं पिष्टकं पायसादिकम्
सुवासितं शीततोयं कर्पूरादिसुसंस्कृतम्
गुवाकपर्णचूर्णं च कर्पूरादिसुवासितम्
अमूल्यरत्नसारैश्च खचितं चेश्वरेच्छया
तरुनिर्य्यासचूर्णं च गन्धवस्तुसमन्वितम्
दिव्यरत्नविशेषं च सान्द्रध्वान्तनिवारकम्
रत्नसारगणाकीर्णं दिव्यं पर्य्यङ्कमुत्तमम् 2.64.
एवं संपूज्य तां दुर्गां दद्यात्पुष्पाञ्जलिं मुने
उग्रचण्डां प्रचण्डां च चण्डोग्रां चण्डनायिकाम्
पद्मे चाष्टदले चैताः प्रागादिक्रमतस्तथा
आदौ महाभैरवं च तथा संहारभैरवम्
कालभैरवमप्येवं क्रोधभैरवमेव च
एतान्संपूज्य मध्ये वै नव शक्तींश्च पूजयेत्