ॐ ह्रीं श्रीं क्लीं च दुर्गायै वह्निजायान्तमेव च
सर्वेन्द्रियाधिदेवास्ते इहागच्छन्तु चण्डिके
स इहागच्छेत्यावाह्य परिहारं करोति च
स्वागतं भगवत्यम्ब शिवलोकाच्छिवप्रिये 2.64.
धन्योऽहं कृतकृत्योऽहं सफलं जीवनं मम
अद्य मे सफलं जन्म सार्थकं जीवनं मम
भारते भवतीं पूज्यां दुर्गां यः पूजयेद् बुधः
कृत्वा च वैष्णवीपूजां विष्णुलोकं व्रजेत्सुधीः
सात्त्विकी राजसी चैव त्रिधा पूजा च तामसी
सात्त्विकी वैष्णवानां च शाक्तादीनां च राजसी
जीवहत्या विहीना या वरा पूजा तु वैष्णवी
माहेश्वरी राजसी च बलिदानसमन्विता
किरातास्त्रिदिवं यान्ति तामस्या पूजया तया
सर्वशक्तिस्वरूपा च कृष्णस्य परमात्मनः 2.64.
सुखदा मोक्षदा भद्रा कृष्णभक्तिप्रदा सदा
दुर्गेति स्मृतिमात्रेण याति दुर्गं नृणामिह
त्रिपद्या उपरिष्टात्तु शंखं संस्थापयेत्तु सः
धृत्वा दक्षिणहस्तेन मन्त्रमेवं पठेन्नरः प्रभूतः शंखचूडात्त्वं पुरा कल्पे पवित्रकः
ततोऽर्घ्यपात्रं संस्थाप्य विधिनाऽनेन पण्डितः
त्रिकोणमण्डलं कृत्वा सजलेन कुशेन च
त्रिपदीं स्थापयेत्तत्र त्रिपद्यां शंखमेव च
गङ्गे च यमुने चैव गोदावरि सरस्वति
स्वर्णरेखे कनखले पारिभद्रे च गण्डकि
पद्मावति त्रिपर्णाशे विपाशे विरजे प्रभे 2.64.
वह्निं सूर्य्यं च चन्द्रं च विष्णुं च वरुणं शिवम् नैवेद्यानि च सर्वाणि प्रोक्षयेत्तज्जलेन च
प्रत्येकं वै ततो दद्यादुपचारांश्च षोडश
मधुपर्कं गन्धमर्घ्यं पुष्पं नैवेद्यमीप्सितम्
धूपं प्रदीपं तल्पं चेत्युपचारास्तु षोडश
अमूल्यरत्नसंक्लृप्तं नानाचित्र विराजितम्
अनन्तसूत्रप्रभवमीश्वरेच्छाविनिर्मितम्