कृतार्थं कर्तुमीशा मां युष्माकं स्वागतं शिशुम् 2.61.
पवित्रं कर्तुमीशा मां हेतुरागमनेऽत्र वः
ब्रह्मोवाच विच्छेदः पुत्रपौत्राणां मरणादतिरिच्यते
कुशलं ते मुनिश्रेष्ठ पुत्रयोश्चापि योषितः
दिने दिनेऽपरिच्छन्नं श्रीकृष्णार्चनमीप्सितम्
गुर्विष्टयोः पूजनं च सर्वमङ्गलकारणम्
अभीष्टदेवः सन्तुष्टो गुरौ तुष्टे नृणामिह
गुरुर्विप्रः सुरो रुष्टो येषां पातकिनामिह
तुष्टश्च सततं वत्स श्रीकृष्णः प्रकृतेः परः
साम्प्रतं शृणु मे धीमन्नत्रागमनकारणम् 2.61.
शिवस्य गुरुपुत्रस्य साध्वीं तारां बृहस्पतेः
शम्भुर्धर्मश्च सूर्य्यश्च शक्रोऽनन्तश्च पुत्रक
युद्धायायान्ति सन्नद्धास्तिस्रः कोट्यश्च देवताः
भूताः प्रेताः पिशाचाश्च कूष्माण्डा ब्रह्मराक्षसाः
तारकामयसंग्रामे मध्यस्थो ऽहं सुतैः सह
शुक्र उवाच योत्स्ये विना महेशं च सर्वेषां च गुरुं परम्
दैत्या ऊचुः धर्मश्च साक्षी सर्वेषां त्वमेव च पितामहः
अन्यांश्च तृणतुल्यांश्च नहि मन्यामहे वयम्
कृपया गुरुपुत्रस्य यद्यायाति महेश्वरः
ब्रह्मोवाच हे वत्सास्तेन सार्द्धं च को वा युद्धं करिष्यति ।। 2.61.
भद्रकाली जगन्माता खड्गखर्पर धारिणी
सा सहस्रभुजा देवी मुण्डमालाविभूषणा
सप्ततालप्रमाणाश्च यस्या दन्ता भयानकाः
अतीव रौद्रा सन्नद्धा भीमाः शंकरकिंकराः
शिवस्य पार्षदाः सर्वं महाबलपराक्रमाः
सहस्रमूर्ध्नः शेषस्य फणामण्डलभूषणम्
कालाग्निरुद्रः संहर्त्ता यस्य शम्भोश्च किंकरः
यस्य पाशुपतास्त्रेण दुर्निवार्येण पुत्रकाः
यस्य शूलेन भिन्नश्च शङ्खचूडः प्रतापवान्
त्रिकोटिसूर्य्यसदृशस्तेजस्वी परमाद्भुतः 2.61.