निरन्तरं सर्वसाक्षी धर्मो वै सर्वकारणम्
बृहस्पतिरुतथ्यश्च संवर्तश्च जितेन्द्रियः
संवर्ताय कनिष्ठाय न च किञ्चिद्ददौ गुरुः
मध्यमस्योतथ्यकस्य सतीं भार्यां च गुर्विणीम्
यो हरेद्भ्रातृजायां च कामी कामादकामुकीम् 2.59.
स याति कुम्भीपाकं च यावच्चन्द्रदिवाकरम्
तस्मादुत्तीर्य्य पापी च विष्ठायां जायते कृमिः
ततो भवेन्महापापी वर्षकोटिसहस्रकम्
गृध्रः कोटिसहस्राणि शतजन्मानि कुक्कुरः
ददाति यो न दायं च बलिष्ठो दुर्बलाय च
नाभुक्तं क्षीयते कर्म्म कल्पकोटिशतैरपि
जगद्गुरोः शिवस्यापि गुरुपुत्रो बृहस्पतिः
सर्वे समूहा देवानां सन्नद्धाश्च सवाहनाः
पश्चादहं च यास्यामि पुण्यं तन्नर्म्मदातटम्
महेन्द्र उवाच मृत्युञ्जयस्य शम्भोश्च गुरुपुत्रो बृहस्पतिः ।। 2.59.
अङ्गिरास्तव पुत्रश्च तत्पुत्रश्च बृहस्पतिः
ब्रह्मोवाच इमां पुराप्रवृत्तिं च कथयामि निशामय
मृतवत्सा कर्म्मदोषाद्भार्य्या चाङ्गिरसः पुरा
व्रतं पुंसवनं नाम वर्षमेकं चकार सा
तदाऽऽगत्य च गोलोकात्परमात्मा कृपामयः
सुव्रतां च सलक्ष्मीकां तामुवाच कृपानिधिः
श्रीकृष्ण उवाच भुंक्ष्व मद्वरतः पुत्रि भविष्यति मदंशतः
पतिर्गुरुश्च देवानां महतां ज्ञानिनां वरः
मद्वरेण भवेद्यो हि स च मद्वरपुत्रकः
वरजो वीर्य्यजश्चैव क्षेत्रजः पालकस्तथा 2.59.
इत्युक्त्वा राधिकानाथः स्वलोकं च जगाम सः मृत्युञ्जयं महाज्ञानं शिवाय प्रददौ पुरा
दिव्यं वर्षत्रिलक्षं च तपश्चक्रे हिमालये स्वशक्तिं विष्णुमायां च स्वांशं वै वाहनं वृषम्
स्वशूलं च स्वकवचं स्वमन्त्रं द्वादशाक्षरम् शिवलोके शिवा सा च विष्णुमाया शिवप्रिया
शक्तिर्नारायणस्येयं साऽऽविर्भूता सनातनी
जघान दैत्यनिकरं देवेभ्यः प्रददौ पदम्