गर्दभो जन्मशतकं सूकरस्सप्तजन्मसु जलौका जन्मशतकं शुचिर्भवतु तत्परम्
वृथा मांसं च यो भुङ्क्ते स्वार्थं पाकान्नमेव च
स यातु चन्द्रपापेन चासिपत्रं चतुर्युगम्
विप्रो वार्धुषिको यो हि योनिजीवी चिकित्सकः
स्वधर्मकथकश्चैव यश्च स्वात्मप्रशंसकः
तं यातु चन्द्रपापं च चन्द्रो भवतु विज्वरः
तत्र विद्धो भवतु स यावदिन्द्राश्चतुर्दश
लाक्षामांसरसानां च तिलानां लवणस्य च
विप्रः कुलालः चौरश्च यातु तं चन्द्रपातकम्
तत्र च्छिन्नो भवतु स यावदिन्द्रसहस्रकम् 2.58.
सप्तजन्मसु मार्जारो महिषो जन्मपञ्चकम्
मत्स्यत्वे जन्मशतकं कर्कटी जन्मपञ्चकम्
नाविकः शवजीवी च व्याधश्च स्वर्णकारकः
इति चन्द्रं शुचिं कृत्वा समुवाच तु तारकाम्
प्रायश्चित्तं विना पूता त्वमेवं शुद्धमानसा
इत्येवमुक्त्वा शुक्रश्च चन्द्रं वा तारकां सतीम्
नारद उवाच कथं संप्राप तां साध्वीं तन्मे व्याख्यातुमर्हसि
श्रीनारायण उवाच प्रस्थापयामास शिष्यमन्वेषार्थं च जाह्नवीम्
शिष्यो गत्वा च तद्वत्तं ज्ञात्वा वै लोकवक्त्रतः
श्रुत्वा सुरगुरुर्वार्तां शशिना च प्रियां हृताम्
रुरोदोच्चैः सशिष्यश्च हदयेन विदूयता
उवाच शिष्यान्सम्बोध्य नीतिं च श्रुतिसम्मताम्
बृहस्पतिरुवाच दुःखं धर्म्मविरुद्धो यः स प्राप्नोति न संशयः
भावानुरक्ता वनिता हृता यस्य च शत्रुणा
सुशीला सुन्दरी भार्य्या गता यस्य गृहादहो 2.59.
दैवेनापहृता यस्य पतिसाध्या पतिव्रता
यस्य माता गृहे नास्ति गृहिणी वा सुशासिता
प्रियाहीनं गृहं यस्य पूर्णं द्रविणबन्धुभिः
भार्याशून्या वनसमाः सभार्याश्च गृहा गृहाः
अशुचिः स्त्रीविहीनश्च दैवे पित्र्ये च कर्मणि