गोलोके राधिका त्वं च सर्वगोपालकेश्वरी
शिवः शक्तस्त्वया शक्त्या शवाकारस्त्वया विना
नारायणस्त्वया लक्ष्म्या जगत्पाता जगत्पतिः
बिभर्त्ति सृष्टिं शेषश्च त्वां कृत्वा मस्तके भुवम्
शक्तिमच्च जगत्सर्वं शवरूपं त्वया विना
यथा मृदा घटं कर्त्तुं कुलालः शक्तिमान्सदा
त्वया विना जडश्चाहं सर्वत्र च न शक्तिमान्
वह्नौ त्वं दाहिकाशक्तिर्नाग्निश्शक्तस्त्वया विना
इत्येवं स्तवनं कृत्वा तां संप्राप जगत्प्रभुः 2.55.
सस्त्रीकं च जगत्सर्वं समभूच्छैलकन्यके
राजा जगाम गोलोकमिति स्तुत्वा हरिप्रियाम्
अचिराल्लभते भार्य्यां सुशीलां सुन्दरीं सतीम्
मृतायां दक्षकन्यायामाज्ञया परमात्मनः
पुरा दुर्वाससः शापान्निश्श्रीके देवतागणे
शृणोति वर्षमेकं च पुत्रार्थी लभते सुतम्
कार्त्तिकीपूर्णिमायां तु तां संपूज्य पठेत्तु यः
नारी शृणोति चेत्स्तोत्रं स्वामिसौभाग्यसंयुता ।। 2.55.
नित्यं पठति यो भक्त्या राधां संपूज्य भक्तितः
इति श्री ब्रह्मवैवर्त्ते महापुराणे द्वितीये प्रकृतिखण्डे नारदनारायणसंवादान्तर्गतहरगौरीसंवादे श्रीराधिकोपाख्याने राधापूजास्तोत्रादिकथनंनाम पञ्चपञ्चाशत्तमोऽध्यायः
श्रीपार्वत्युवाच अधुना कवचं ब्रूहि श्रोष्यामि त्वत्प्रसादतः
श्रीमहेश्वर उवाच पुरा मह्यं निगदितं गोलोके परमात्मनः
अतिगुह्यं परं तत्त्वं सर्वमन्त्रौघविग्रहम्
यद्धृत्वाऽहं तव स्वामी सर्वमाता सुरेश्वरी
यद्धृत्वा परमात्मा च निर्गुणं प्रकृतेः परः
विष्णुः पाता च यद्धृत्वा संप्राप्तस्सिन्धुकन्यकाम्
प्रत्येकं लोमकूपेषु ब्रह्माण्डानि महान्विराट्
यद्धारणाच्च पठनाद्धर्म्मः साक्षी च सर्वतः
इन्द्रः सुराणामीशश्च पठनाद्धारणाद्विभुः
श्रीमांश्चन्द्रश्च यद्धृत्वा राजसूयं चकार सः 2.56.
यद्धृत्वा पठनादग्निर्जगत्पूतं करोति च