स्वायम्भुवः शम्भुशिष्यो विष्णुव्रतपरायणः
राजसूयसहस्रं च चक्रे वै नर्मदातटे
गोमेधं च चतुर्लक्षं विधिवन्महदद्भुतम्
पञ्चलक्षगवां मांसैः सुपक्वैर्घृतसंस्कृतैः
अमूल्यरत्नलक्षं च दशकोटिसुवर्णकम् ।।2.54.
वह्निशुद्धानि वस्त्राणि मुनीन्द्राणां च लक्षकम् त्रिलक्षमश्वरत्नं च शातकुंभविभूषितम्
सहस्रं रथरत्नं च शिबिकालक्षमेव च त्रिकोटिस्वर्णभूषाश्च कर्पूरादिसुवासितम्
ताम्बूलं सुविचित्रं च त्रिकोटिस्वर्णतल्पकम्
वह्निशुद्धांशुकैश्चित्रै राजितं माल्यजालकैः
संप्राप्य शंकराज्ज्ञानं कृष्णमंत्रं सुदुर्लभम्
दृष्ट्वा मुक्तं स्वपुत्रं च प्रहष्टोऽभूत्प्रजापतिः
यतः स्वयम्भुपुत्रोऽयमतः स्वायम्भुवो मनुः
राजा वदान्यो धर्मिष्ठः स्वायम्भुवसमो महान्
तौ तृतीयौ चतुर्थौ च वैष्णवौ तापसोत्तमौ
धर्मिष्ठानां वरिष्ठश्च रैवतः पञ्चमो मनुः 2.54.
श्राद्धदेवः सूर्यसुतो वैष्णवः सप्तमो मनुः
नवमो दक्षसावर्णिर्विष्णुव्रतपरायणः
ततश्च धर्मसावर्णिर्मनुरेकादशः स्मृतः
ज्ञानी च रुद्रसावर्णिर्मनुश्च द्वादशः स्मृतः
चतुर्दशो महाज्ञानी चन्द्रसावर्णिरेव च
चतुर्दशेन्द्रावच्छिन्नं ब्रह्मणो दिनमुच्यते
कालरात्रिश्च सा ज्ञेया वेदेषु परिकीर्त्तिता
सप्तकल्पे चिरंजीवी मार्कण्डेयो महातपाः
उत्थितेनैव सहसा सङ्कर्षणमुखाग्निना
ब्रह्मरात्रिव्यतीते तु पुनश्च ससृजे विधिः 2.54.
देवाश्च मनवश्चैव तत्र दग्धा नरादयः
वर्षं द्वादशमासैश्च ब्रह्मसम्बन्धि चैव हि दैनंदिनस्तु प्रलयो वेदेषु परिकीर्त्तितः
मोहरात्रिश्च सा प्रोक्ता वेदविद्भिः पुरातनैः
आदित्या वसवो रुद्रा मनवो मानवादयः
मार्कण्डेयो लोमशश्च पेचकश्चिरजीविनः