गोलोको वर्त्तुलाकारो वरिष्ठस्सर्वलोकतः
रत्नेन्द्रसारखचितैः स्तम्भसोपानचित्रितैः
नानाचित्रविचित्रैश्च शिबिरैश्च विराजितः विरजासरिदाकीर्णैश्शतशृंगैस्सुवेष्टितः
सरिदर्धप्रमाणेन दैर्घ्येण च ततेन च
तदर्द्धमानविलसद्रासमण्डलमण्डितः 2.54.
यथा पंकजमध्ये च कर्णिका सुमनोहरा
रासेश्वर्य्या राधिकया संयुक्तः सन्ततं नृप
वह्निशुद्धांशुकाधानो रत्नभूषणभूषितः
रत्नसिंहासनस्थश्च रत्नच्छत्रेण शोभितः
भूषिताभिश्च गोपीभिर्मालाचन्दनचर्चितः
कथितो लोकविस्तारो यथाशक्ति यथागमम्
पात्रं षट्पलसंभूतं गभीरं चतुरङ्गुलम्
स्वर्णमाषकृतच्छिद्रं दण्डैश्च चतुरंगुलैः
दण्डद्वयं मुहूर्तं च यामस्तस्य चतुष्टयम्
मासो द्वाभ्यां च पक्षाभ्यां वर्षं द्वादशमासकैः 2.54.
कृष्णपक्षे दिनं प्रोक्तं शुक्ले रात्रिः प्रकीर्त्तिता
अयनं ह्युत्तरमहो रात्रिर्वै दक्षिणायनम्
प्रकृतेः प्राकृतानां च ब्रह्मादीनां निशामय
दिव्यैर्द्वादशसाहस्रैः सावधानं निशामय
तेषां च सन्ध्यासन्ध्यांशौ द्वे सहस्रे प्रकीर्तिते
चतुर्युगं परिमितं नरमानक्रमेण च
कृतं युगं नृमानेन संख्याविद्भिः प्रकीर्त्तितम्
त्रेतायुगं परिमितं कालविद्भिः प्रकीर्त्तितम्
परिमाणं द्वापरस्य संख्याविद्भिरितीरितम् नृमानाद्वै कलियुगं विदुः कालविदो बुघाः
तत्र सप्त च वारा वै तिथयः षोडश स्मृताः 2.54.
तथा भ्रमति तच्चक्रमेवमेवं चतुर्युगम्
एवं क्रमाद्भ्रमन्त्येव मनवश्च चतुर्दश
पञ्चविंशतिसाहस्रं षष्ट्यन्तशतपञ्चकम्
आख्यानं च मनूनां च धर्मिष्ठानां नराधिप
आद्यो मनुर्ब्रह्मपुत्रः शतरूपा पतिव्रता