इत्येवं कथितं सर्वं किञ्चित्सृष्टिक्रमं मुने
सौतिरुवाच क्रतोरपि क्रिया भार्य्या वालखिल्यानसूयत
त्रयः पुत्राश्चाङ्गिरसो बभूवुर्मुनिसत्तमाः
वसिष्ठस्य सुतः शक्तिः शक्तेः पुत्रः पराशरः
व्यासपुत्रः शिवांशश्च शुकश्च ज्ञानिनां वरः
शौनक उवाच न बुद्धं वचनं किंचिद्धनेशोत्पत्तिपूर्वकम्
अधुना कथितं जन्म धनेशस्येश्वरादिदम्
सौतिरुवाच पुनश्च ब्रह्मशापेन स च विश्वश्रवस्सुतः
गुरवे दक्षिणां दातुमुतथ्यश्च धनेश्वरम्
धनेशो विरसो भूत्वा तस्मै तद्दातुमुद्यतः
तेन विश्रवसः पुत्रः कुबेरश्च धनाधिपः 1.10.
पुलहस्य सुतो वात्स्यः शाण्डिल्यश्च रुचेः सुतः
काश्यपः कश्यपाज्जातो भरद्वाजो बृहस्पतेः
शाण्डिल्यश्च रुचेः पुत्रो मुनिस्तेजस्विनां वरः
बभूवुर्ब्रह्मणो वक्त्रादन्या ब्राह्मणजातयः
चन्द्रादित्यमनूनां च प्रवराः क्षत्रियाः स्मृताः
ऊरुदेशाच्च वैश्याश्च पादतः शूद्रजातयः
गोपनापितभिल्लाश्च तथा मोदककूबरौ
इत्येवमाद्या विप्रेन्द्र सच्छूद्राः परिकीर्त्तिताः
विश्वकर्मा च शूद्रायां वीर्य्याधानं चकार सः
मालाकारः शङ्खकारः कर्मकारः कुविन्दकः 1.10.
सूत्रकारश्चित्रकारः स्वर्णकारस्तथैव च
शौनक उवाच शूद्रायामधमायां च कथं ते पतितास्त्रयः
कथं तेषु ब्रह्मशापो ह्यभवत्केन हेतुना
सौतिरुवाच तामपश्यद्विश्वकर्मा गच्छन्तीं पुष्करे पथि
आगच्छत्तद्विलोकाच्च प्रसादोत्फुल्लमानमः
रत्नालङ्कारभूषाढ्यां सर्वावयवकोमलाम्
बृहन्नितम्ब भारार्तां मुनिमानसमोहिनीम्
तच्छ्रोणीं कठिनां दृष्ट्वा वायुनाऽपहृतांशुकाम्
सुस्मितं चारु वक्त्रं च शरच्चन्द्रविनिन्दकम्