तां विलग्नां च सुश्रोणीं सुखसम्भोगमूर्छिताम्
क्षणं वक्षसि कृत्वा तां तदोष्ठं च चुचुम्ब ह 1.9.
उर्वशी पथि गच्छन्ती बोधयामास तां मुने
वीर्य्यसंवरणं कर्तुं सा चाशक्ता च दुर्बला
तेन प्रवालवर्णश्च कुमारः समपद्यत
मङ्गलस्य प्रिया मेधा तस्य घण्टेश्वरो महान्
दितेर्हिरण्यकशिपुहिरण्याक्षौ महाबलौ
निर्ऋतिः सिंहिका सा च तेन राहुश्च नैर्ऋतः
हिरण्यकशिपोः पुत्रः प्रह्रादो वैष्णवाग्रणीः
बलेः पुत्रो महायोगी ज्ञानी शङ्करकिंकरः
अनन्तं वासुकिं चैव कालीयं च धनञ्जयम्
महापद्मं च शंकुं च शंखं संवरणं तथा 1.9.
गोक्षं गोकार्मुकं चैव विरूपादींश्च शौनक
कन्यका मनसा देवी कमलांशसमुद्भवा
यत्पतिश्च जरत्कारुर्नारायणकुलोद्भवः
एतेषां नाममात्रेण नास्ति नागभयं नृणाम्
वैनतेयारुणौ पुत्रौ विष्णुतुल्यपराक्रमौ
गावश्च महिषाश्चैव सुरभिप्रवरा इमे
दानवाश्च दनोर्वंशा अन्यास्सामान्यजातयः
नामानि चन्द्रपत्नीनां सावधानं निशामय
अश्विनी भरणी चैव कृत्तिका रोहिणी तथा
पुष्याऽऽश्लेषा मघा पूर्वफल्गुन्युत्तरफल्गुनी 1.9.
ज्येष्ठा मूला तथा पूर्वाऽऽषाढा चैवोत्तरा स्मृता
पूर्वा भाद्रोत्तराभाद्रा रेवत्यन्ता विधुप्रियाः
सन्ततं रसभावेन चकार शशिनं वशम्
सर्वा भगिन्यः पितरं कथयामासुरादृताः
दक्षः प्रकुपितश्चन्द्रमशपन्मन्त्रपूर्वकम्
दिने दिने यक्ष्मणा स क्षीयमाणश्च दुःखितः
दृष्ट्वा चन्द्रं शंकरश्च क्लेशितं शरणागतम्
निर्मुक्तं यक्ष्मणा कृत्वा स्वकपोले स्थलं ददौ