दण्डेन मुसलेनैव मम दूतैश्च ताडिताः
अवटः कूपभेदश्च यत्रोदं च तदाकृति
व्याप्तं महापापिभिश्च दग्धगात्रैश्च सन्ततम्
यत्तोयस्पर्शमात्रेण सर्व व्याधिश्च पापिनाम्
सर्वे रुद्धाः पापिनश्च व्यथन्ते यत्र सन्ततम्
तप्तपांसुभिराकीर्णं ज्वलद्भिस्तु सुदग्धकैः
पततां पापिनां यत्र भवेदेव प्रकम्पनम्
क्रोशमाने च कुण्डे वै विदुस्तत्पाशवेष्टनम् 2.33.
पातमात्रेण पापी च शूलेन ग्रथितो भवेत्
अतीव हिमतोये च क्रोशार्द्धं च प्रकम्पनम्
धनुर्विंशतिमानं च तदुल्काभिश्च संकुलम्
नानाप्रकारक्रिमिभिः संयुक्तं च भयानकैः
तद्भक्ष्यैः पापिभिर्युक्तं न पश्यद्भिः परस्परम् ध्वान्तेन चक्षुषा चान्धैरन्धकूपं प्रकीर्तितम्
नानाप्रकारशस्त्रौघैर्यत्र विद्धाश्च पापिनः
दण्डेन ताडिता यत्र मम दूतैश्च पापिनः
निबद्धाश्च महाजालैर्यथा मीनाश्च पापिनः
पततां पापिनां कुण्डे देहाश्चूर्णीभवन्ति च
गभीरं ध्वान्तयुक्तं च धनुर्विंशतिमानकम् 2.33.
दलिताः पापिनो यत्र मद्दूतैर्मुसलैः सदा
पातमात्रे यत्र पापी शुष्ककण्ठौष्ठतालुकः
शतमानवमानं च गभीरं ध्वान्तसंयुतम्
नानाचर्मकषायोदैः परिपूर्णं धनुःशतम्
शूर्पाकारमुखं कुण्डं धनुर्द्वादशमानकम्
अन्तरा ऽग्निशिखानां च ज्वालाव्यात्तमुखं सदा
ज्वालाभिर्दग्धगात्रैश्च पापिभिर्व्याप्तमेव यत्
पातमात्राद्यत्र पापी मूर्छितो व्यथितो भवेत्
धूमान्धकारयुक्तं च धूमान्धैः पापिभिर्युतम्
पातमात्राद्यत्र पापी नागैस्संवेष्टितो भवेत् 2.33.
षडशीतिश्च कुण्डानि मयोक्तानि निशामय
सावित्र्युवाच त्वत्तः सर्वं श्रुतं देव नावशिष्टोऽधुना मम