कर्णविट्परिपूर्णं च तद्भक्ष्यैः पापिभिर्युतम्
मज्जापूर्णं नराणां च महादुर्गन्धिसंयुतम्
परिपूर्णं स्निग्धमांसैर्मम दूतैश्च ताडितैः
कन्याविक्रयिभिश्चैव तद्भक्ष्यैः कीटभक्षितैः
वापीतुर्य्यप्रमाणं च नखादिकचतुष्टयम्
! प्रतप्तताम्रकुंडं च ताम्रपर्य्युन्मुखान्वितम्
प्रत्येकं प्रतिमाश्लिष्टै रुदद्भिः पापिभिर्युतम्
प्रतप्तलोहधारं च ज्वलदङ्गारसंयुतम्
प्रत्येकं सर्वसंश्लिष्टैः शश्वद्विचलितैर्भिया 2.33.
महापातकिभिर्युक्तं द्विगव्यूतिप्रमाणकम्
धर्मकुण्डं तप्तसुराकुण्डं वाप्यर्द्धमेव च
अधः शाल्मलिवृक्षस्य तीक्ष्णकण्टककुण्डकम्
धनुर्माने कण्टकैश्च सुतीक्ष्णैः परिवेष्टितम्
प्रत्येकं कंटकैर्विद्धं महापातकिभिर्युतम्
जलं देहीति शब्दं च कुर्वद्भिः शुष्कतालुकैः प्रचलद्भिर्यथा तप्ततैले जीविभिरेव च
विषौघैस्तक्षकादीनां पूर्णं च क्रोशमानकम्
प्रतप्ततैलपूर्णं च कीटादिपरिवर्जितम्
काकुशब्दं प्रकुर्वद्भिश्चलद्भिर्दूतताडितैः
शस्त्रकुण्डं ध्वान्तयुक्तं क्रोशमानं भयानकम् 2.33.
शस्त्रतल्पस्वरूपं च क्रोशतुर्य्यप्रमाणकम्
ताडितैर्मम दूतैश्च शुष्ककण्ठौष्ठतालकैः
तीक्ष्णदन्तैश्च विकृतैर्व्याप्तं ध्वान्तयुतं सति रुदद्भिः क्रोशमानं च मम दूतैश्च ताडितैः
अतिदुर्गन्धिसंयुक्तं क्रोशार्द्धं पूयसंयुतम्
द्विगव्यूति प्रमाणं च हिमतोयप्रपूरितम् ४९' संकुलं शब्दकृद्भिश्च मम दूतैश्च ताडितैः
कुण्डत्रयं मशादीनां पूर्णं च मशकादिभिः
हस्तपादादिभिर्बद्धैः क्षत्रैः क्षतजलौहितैः
वज्रवृश्चिकयोः कुण्डं ताभ्यां च परिपूरितम्
कुण्डत्रयं शरादीनां तैरेव परिपूरितम् 2.33.
तप्तपङ्कोदकैः पूर्णं सध्वान्तं गोलकुण्डकम्
वाप्यर्द्धं परिपूर्णं च जलस्थैर्नक्रकोटिभिः