शूर्पाकारैश्च कृमिभिर्ब्राह्मण्या सह भक्षितः
तत्रैव यातनां भुंक्ते यावदिन्द्राश्चतुर्दश
करे धृत्वा च तुलसीं प्रतिज्ञां यो न पालयेत्
गङ्गातोयं करे धृत्वा प्रतिज्ञां यो न पालयेत्
दत्त्वा च दक्षिणं हस्तं प्रतिज्ञां यो न पालयेत्
मित्रद्रोही कृतघ्नश्च यो हि विश्वासघातकः 2.31.
एते तत्र वसन्त्येव यावदिन्द्राश्चतुर्दश
चण्डालस्तुलसीस्पर्शी सप्तजन्मस्वतः शुचिः
शिलास्पर्शी विट्कृमिश्च सप्तजन्मसु सुन्दरि
दक्षहस्तप्रधाता च सर्पस्स्यात्सप्तजन्मसु
मिथ्यावादी देवगृहे देवलः सप्तजन्मसु
ततो भवन्ति मूकास्ते बधिराश्च त्रिजन्मसु
मित्रद्रोही च न कुलः कृतघ्नश्चापि गण्डकः
मिथ्यासाक्ष्यप्रदश्चैव भल्लूकः सप्तजन्मसु '
नित्यक्रियाविहीनश्च जडत्वेन युतो द्विजः
व्रतोपवासहीनश्च सद्वाक्यपरिनिंदकः 2.31.
जलजंतुर्भवेत्सोऽपि शतजन्मक्रमेण च
यो वा धनस्यापहारं देवाब्रह्मणयोश्चरेत्
स्वयं याति च धूमांधं धूमध्वांतसमन्वितम्
ततो मूषकजातिश्च शतजन्मानि भारते
ततो नानाविधा वृक्षजातयश्च ततो नरः
ततो भवेत्स्वर्णकारः सुवर्णस्य वणिक्तथा
विप्रो दैवज्ञोपजीवी वैद्यजीवी चिकित्सकः
स याति नागवेष्टं च नागैर्वेष्टित एव च
ततो भवेत्स गणको वैद्यो वै सप्तजन्मसु
प्रसिद्धानि च कुण्डानि कथितानि पतिव्रते 2.31.
सन्ति पातकिनस्तेषु स्वकर्मफलभोगिनः
सावित्र्युवाच नानापुराणेतिहासपाञ्चरात्रप्रदर्शकः
सर्वेषु सारभूतं यत्सर्वेष्टं सर्वसम्मतम्
यशःप्रदं धर्मदं च सर्वमंगलमंगलम्