षडशीतिश्च कुण्डानि संयमन्यां च सन्ति च
वह्निकुण्डं तप्तकुण्डं क्षमकुण्डं भयानकम्
गरकुण्डं दूषिकाकुण्डं वसाकुण्डं तथैव च
कुण्डं गात्रमलानां च कर्णविट्कुण्डमेव च
लोम्नां कुण्डं केशकुण्डमस्थिकुण्डं च दुःखदम् 2.29.
तीक्ष्णकण्टककुण्डं च विषकुण्डं च विघ्नदम्
प्रतप्ततैलकुण्डं च दन्तकुण्डं च दुर्वहम्
मशकुण्डं दंशकुण्डं भीमं गरलकुण्डकम्
शरकुण्डं शूलकुण्ड खड्गकुण्डं च भीषणम्
सञ्चालकुण्डं वाजकुण्डं बन्धकुण्डं सुदुस्तरम्
लालाकुण्डमसिकुण्डं चूर्णकुण्डं सुदारुणम्
ज्वालकुण्डं भस्मकुण्डं पूतिकुण्डं च सुन्दरि
गोधामुखं नक्रमुखं गजदंशं च गोमुखम्
पांशुभोजं पाशवेष्टं शूलप्रोतं प्रकम्पनम्
जालबन्धं देहचूर्णं दलनं शोषणङ्करम् 2.29.
कुण्डान्येतानि सावित्रि पापिनां क्लेशदानि च
दण्डहस्तैः शूलहस्तैः पाशहस्तैर्भयङ्करैः
तमोयुक्तैर्दयाहीनैर्दुर्निवार्य्यं च सर्वतः
योगयुक्तैः सिद्धयोगैर्नानारूपधरैर्वरैः
स्वकर्मनिरतैः शैवैः शाक्तैः सौरैश्च गाणपैः
स्वधर्म्मनिरतैर्वाऽपि विरतैर्वा स्वतन्त्रकैः
एतत्ते कथितं साध्वि कुण्डसंख्यानिरूपणम्
इति श्रीब्रह्मवैवर्त्ते महापुराणे नारदनारायणसंवादे द्वितीये प्रकृतिखण्डे सावित्र्युपाख्याने यमसावित्रीसंवादे नरककुण्डसंख्यानं नामैकोनत्रिंशो ऽध्यायः
2.30 यम उवाच तपस्वी ब्रह्मचारी च न याति नरकं यतिः
कटुवाचा बान्धवांश्च खलत्वेन च यो नरः
गात्रलोमप्रमाणाब्दं तत्र स्थित्वा हुताशने
ब्राह्मणं तृषितं क्षुब्धं प्रतप्तं गृहमागतम्
तत्र लोमप्रमाणाब्दं स्थित्वा तत्र च दुःखितः
रविवारार्कसंक्रान्त्याममायां श्राद्धवासरे
स याति क्षारकुण्डं च सूत्रमानाब्दमेव च