स्वप्नवन्नश्वरं तुच्छमसत्यं मृत्युकारणम्
यथा बडिशमांसं च मत्स्यापातसुखप्रदम्
इत्युक्त्वा नारदस्तत्र विरराम विधेः पुरः
ब्रह्मा कोपपरीतश्च शशाप तनयं द्विज 1.8.
ब्रह्मोवाच क्रीडामृगश्च त्वं साध्यो योषिल्लुब्द्धधश्च लम्पटः
स्थिरयौवनयुक्तानां रूपाढ्यानां मनोहरः
शृङ्गारशास्त्रवेत्ता च महाशृङ्गारलोलुपः
गन्धर्वाणां च सुवरः सुस्वरश्च सुगायनः
प्राज्ञो मधुरवाक् शान्तः सुशीलः सुन्दरः सुधीः
ताभिर्दिव्यं लक्षयुगं विहृत्य निर्जने वने
वत्स वैष्णवसंसर्गाद्वैष्णवोच्छिष्टभोजनात्
ज्ञानं दास्यामि ते दिव्यं पुनरेव पुरातनम्
ब्रह्मेत्युक्त्वा सुतं विप्र विरराम जगत्पतिः
नारद उवाच स्रष्टुस्तपस्वीशस्याहो क्रोधोऽयं मय्यनाकरः ।। 1.8.
शपेत्परित्यजेद्विद्वान्पुत्रमुत्पथगामिनम्
जनिर्भवतु मे ब्रह्मन्यासु यासु च योनिषु
पुत्रश्चेज्जगतां धातुर्नास्ति भक्तिर्हरेः पदे
जातिस्मरो हरेर्भक्तियुक्तः सूकरयोनिषु
गोविन्दचरणाम्भोजभक्तिमाध्वीकमीप्सितम्
तीर्थानि स्पर्शमिच्छन्ति वैष्णवानां पितामह
मन्त्रोपदेशमात्रेण नरा मुक्ताश्च भारते
कोटिजन्मार्जितात्पापान्मन्त्रग्रहणमात्रतः
पुत्रान्दारांश्च शिष्यांश्च सेवकान्बान्धवांस्तथा
यो दर्शयत्यसन्मार्गं शिष्यैर्विश्वासितो गुरुः 1.8.
स किंगुरुः स किंतातः स किंस्वामी स किंसुतः
शप्तो निरपराधेन त्वयाऽहं चतुरानन
कवचस्तोत्रपूजाभिः सहितस्ते मनुर्मनोः
अपूज्यो भव विश्वेषु यावत्कल्पत्रयं पितः
अधुना यज्ञभागस्ते व्रतादिष्वपि सुव्रत
इत्युक्त्वा नारदस्तत्र विरराम पितुः पुरः