शिवः सनत्कुमारश्च कपिलश्च ध्रुवस्तथा
राजसूयसहस्राणां फलमाप्नोति निश्चितम् 2.27.
बहुकल्पान्तजीवी च जीवन्मुक्तो भवेद्ध्रुवम्
देवानां च यथा विष्णुर्वैष्णवानां यथा शिवः
तीर्थानां च यथा गङ्गा पवित्राणां च वैष्णवाः
नक्षत्राणां यथा चन्द्रः पक्षिणां गरुडो यथा
शीघ्रगानां चेन्द्रियाणां चञ्चलानां यथा मनः
वृन्दावनं वनानां च वर्षाणां भारतं यथा
पतिव्रतानां दुर्गा च सौभाग्यानां च राधिका
अश्वमेधशतेनैव शक्रत्वं लभते ध्रुवम्
पाठश्चतुर्णां वेदानां प्रादक्षिण्यं भुवस्तथा 2.27.
पुराणेषु च वेदेषु चेतिहासेषु सर्वतः
तद्वर्णनं च तद्ध्यानं तन्नामगुणकीर्त्तनम्
तत्पादोदकनैवेद्यभक्षणं नित्यमेव च
भज कृष्णं परं ब्रह्म निर्गुणं प्रकृतेः परम्
एतत्ते कथितं सर्वं विपाकं कर्मणां नृणाम्
श्रीनारायण उवाच साश्रुनेत्रा सपुलका यमं पुनरुवाच सा
सावित्र्युवाच श्रोतॄणां चैव वक्तॄणां जन्ममृत्युजराहरम्
दानानां च व्रतानां च सिद्धीनां तपसां परम्
मुक्तत्वममरत्वं वा सर्वसिद्धित्वमेव वा
भजामि केन विधिना श्रीकृष्णं प्रकृतेः परम्
शुभकर्म्मविपाकं च श्रुतं नृणां मनोहरम्
इत्युक्त्वा सा सती ब्रह्मन्भक्तिनम्रात्मकन्धरा
सावित्र्युवाच धर्मांशं यं सुतं प्राप धर्मराजं नमाम्यहम्
समता सर्वभूतेषु यस्य सर्वस्य साक्षिणः
येनान्तश्च कृतो विश्वे सर्वेषां जीविनां परम् 2.28.
बिभर्ति दण्डं दण्ड्याय पापिनां शुद्धिहेतवे
विश्वे यः कलयत्येव सर्वायुश्चापि सन्ततम्
तपस्वी वैष्णवो धर्म्मी संयमी विजितेन्द्रियः
स्वात्मारामञ्च सर्वज्ञो मित्रं पुण्यकृतां भवेत्