कार्तिकीपूर्णिमायां च कृत्वा तु रासमण्डलम्
शिलायां प्रतिमायां वा श्रीकृष्णं राधया सह 2.27.
गोलोके च वसेत्सोऽपि यावद्वै ब्रह्मणो वयः
क्रमेण सुदृढां भक्तिं लब्ध्वा मन्त्रं हरेरपि
तत्र कृष्णस्य सारूप्यं संप्राप्य पार्षदो भवेत्
शुक्लां वाऽप्यथवा कृष्णां करोत्येकादशीं च यः
भारतं पुनरागत्य हरिभक्तिं लभेद्ध्रुवम्
भाद्रे शुक्ले च द्वादश्यां यः शक्रं पूजयेन्नरः
रविवारेऽर्कसंक्रान्त्यां सप्तम्यां शुक्लपक्षतः
महीयते सोऽर्कलोके यावच्चन्द्रदिवाकरौ
ज्येष्ठशुक्लचतुर्दश्यां सावित्रीं यो हि पूजयेत्
पुनर्महीं समागत्य श्रीमानतुलविक्रमः 2.27.
माघस्य शुक्लपञ्चम्यां पूजयेद्यः सरस्वतीम्
महीयते स वैकुण्ठे यावद्ब्रह्मदिवानिशम्
गां सुवर्णादिकं यो हि ब्राह्मणाय ददाति च
गवां लोमप्रमाणाब्दं द्विगुणं विष्णुमन्दिरे
ततः पुनरिहागत्य विष्णुभक्तिं लभेद्ध्रुवम् गोमांश्च पुत्रवान्विद्वाञ्ज्ञानवान्सर्वतः सुखी
भोजयेद्यो हि मिष्टान्नं ब्राह्मणेभ्यश्च भारते
ततः पुनरिहागत्य स सुखी धनवान्भवेत्
यो वक्ति वा ददात्येव हरेर्नामानि भारते
ततः पुनरिहागत्य विष्णुभक्तिं लभेद्ध्रुवम्
नाम्नां कोटिं हरेर्यो हि क्षेत्रे नारायणे जपेत् 2.27.
लभते न पुनर्जन्म वैकुण्ठे स महीयते
यः शिवं पूजयेन्नित्यं कृत्वा लिङ्गं च पार्थिवम्
मृदां रेणुप्रमाणाब्दं शिवलोके महीयते
शिलां च योऽर्चयेन्नित्यं शिलातोयं च भक्षति
ततो लब्ध्वा पुनर्जन्म हरिभक्तिं सुदुर्लभाम्
तपांसि चैव सर्वाणि व्रतानि निखिलानि च
ततो लब्ध्वा पुनर्जन्म राजेन्द्रो भारते भवेत्
यः स्नाति सर्वर्तीर्थेषु भुवि कृत्वा प्रदक्षिणम्