चैत्रमासेऽथवा माघे शङ्करं योऽर्चयेद्व्रती
श्रीरामनवमीं यो हि करोति भारते नरः 2.27.
पुनः स्वयोनिं संप्राप्य रामभक्तिं लभेद्ध्रुवम्
शारदीयां महापूजां प्रकृतेर्यः करोति च
नैवेद्यैरुपहारैश्च धूपदीपादिभिस्तथा
शिवलोके वसेत्सोऽपि सप्तमन्वन्तरावधि
अचलां श्रियमाप्नोति पुत्रपौत्रादिवर्द्धिनीम्
राजराजेश्वरः सोऽपि भवेदेव न संशयः
नित्यं भक्त्या पक्षमेकं पुण्यक्षेत्रे च भारते
वैकुण्ठे मोदते सोऽपि यावच्चन्द्रदिवाकरौ
कार्तिकीपूर्णिमायां च कृत्वा तु रासमण्डलम्
शिलायां प्रतिमायां वा श्रीकृष्णं राधया सह 2.27.
गोलोके च वसेत्सोऽपि यावद्वै ब्रह्मणो वयः
क्रमेण सुदृढां भक्तिं लब्ध्वा मन्त्रं हरेरपि
तत्र कृष्णस्य सारूप्यं संप्राप्य पार्षदो भवेत्
शुक्लां वाऽप्यथवा कृष्णां करोत्येकादशीं च यः
भारतं पुनरागत्य हरिभक्तिं लभेद्ध्रुवम्
भाद्रे शुक्ले च द्वादश्यां यः शक्रं पूजयेन्नरः
रविवारेऽर्कसंक्रान्त्यां सप्तम्यां शुक्लपक्षतः
महीयते सोऽर्कलोके यावच्चन्द्रदिवाकरौ
ज्येष्ठशुक्लचतुर्दश्यां सावित्रीं यो हि पूजयेत्
पुनर्महीं समागत्य श्रीमानतुलविक्रमः 2.27.
माघस्य शुक्लपञ्चम्यां पूजयेद्यः सरस्वतीम्
महीयते स वैकुण्ठे यावद्ब्रह्मदिवानिशम्
गां सुवर्णादिकं यो हि ब्राह्मणाय ददाति च
गवां लोमप्रमाणाब्दं द्विगुणं विष्णुमन्दिरे
ततः पुनरिहागत्य विष्णुभक्तिं लभेद्ध्रुवम् गोमांश्च पुत्रवान्विद्वाञ्ज्ञानवान्सर्वतः सुखी
भोजयेद्यो हि मिष्टान्नं ब्राह्मणेभ्यश्च भारते
ततः पुनरिहागत्य स सुखी धनवान्भवेत्
यो वक्ति वा ददात्येव हरेर्नामानि भारते