पुनः स्वयोनिं संप्राप्य जम्बूद्वीपपतिर्भवेत्
मही तं न जहात्येव जन्मनां कोटिमेव च
जम्बूद्वीपं यो ददाति ब्राह्मणाय पतिव्रते 2.27.
सप्तद्वीपमहीदातुः सर्वतीर्थानुसेविनः
सर्वदानप्रदातुश्च सर्वसिद्धेश्वरस्य च
असंख्यब्रह्मणा पातं पश्यन्ति वैष्णवाः सति
विष्णुमन्त्रोपासकश्च विहाय मानवीं तनुम्
लब्ध्वा विष्णोश्च सारूप्यं विष्णुसेवां करोति च
नश्यन्ति देवाः सिद्धाश्च विश्वानि निखिलानि च
कार्त्तिके तुलसीदानं करोति हरये च यः
पुनः स्वयोनिं संप्राप्य हरिभक्तिं लभेद्ध्रुवम्
घृतप्रदीपं हरये कार्त्तिके यो ददाति च
पुनः स्वयोनिं संप्राप्य विष्णुभक्तिं लभेद्ध्रुवम् 2.27.
माघे यः स्नाति गङ्गायामरुणोदयकालतः
पुनः स्वयोनिं संप्राप्य विष्णुभक्तिं लभेद्ध्रुवम्
माघे यः स्नाति गंगायां प्रयागे चारुणोदये
पुनः स्वयोनिं संप्राप्य विष्णुमन्त्रं लभेद्ध्रुवम्
नास्ति तत्पुनरावृत्तिर्वैकुण्ठाच्च महीतले
नित्यस्नायी च गङ्गायां स पूतः सूर्य्यवद्भुवि
तस्यैव पादरजसा सद्यः पूता वसुन्धरा
पुनः स्वयोनिं संप्राप्य तपस्विप्रवरो भवेत्
मीनकर्कटयोर्मध्ये गाढं तपति भास्करे
मोदते स च वैकुण्ठे यावदिन्द्राश्चतुर्दश 2.27.
वैशाखे हरये भक्त्या यो ददाति च चन्दनम् पुनः स्वयोनिं संप्राप्य रूपवांश्च सुखी भवेत्
वैशाखे सक्तुदानं च यः करोति द्विजातये
करोति भारते यो हि कृष्णजन्माष्टमीव्रतम्
वैकुण्ठे मोदते सोऽपि यावदिन्द्राश्चतुर्दश
इहैव भारते वर्षे शिवरात्रिं करोति यः
शिवाय शिवरात्रौ च बिल्वपत्रं ददाति यः
पुनः स्वयोनिं संप्राप्य शिवभक्तिं लभेद्ध्रुवम्