कर्म्मणा चाशुभेनैव भ्रमन्ति नरकेषु च
निर्वाणरूपा सेवा च कृष्णस्य परमात्मनः 2.26.
दीर्घजीवी च क्षीणायुः सुखी दुःखी च निश्चितम्
सिद्ध्यादिकमवाप्नोति सर्वोत्कृष्टेन कर्म्मणा
सुदुर्लभं सुभोग्यं च पुराणेषु श्रुतिष्वपि
दुर्लभा मानवी जातिः सर्वजातिषु भारते
विष्णुभक्तो द्विजश्चैव गरीयान्भारते ततः
सकामश्च प्रधानश्च निष्कामो भक्त एव च
स याति देहं त्यक्ता च पदं विष्णोर्निरामयम्
ये सेवन्ते च द्विभुजं कृष्णमात्मानमीश्वरम्
ये च नारायणं भक्ताः सेवन्ते च चतुर्भुजम्
सकामिनो वैष्णवाश्च गत्वा वैकुण्ठमेव च 2.26.
कालेन ते च निष्कामा भविष्यन्ति क्रमेण च
ब्राह्मणाद्वैष्णवादन्ये सकामाः सर्वजन्मसु
तीर्थाश्रिता द्विजा ये च तपस्यानिरताः सति
स्वधर्मनिरता विप्राः सूर्य्यभक्ताश्च भारते
स्वधर्मनिरता विप्राः शैवाः शाक्ताश्च गाणपाः
ये विप्रा अन्यदेवेष्टाः स्वधर्मनिरताः सति
हरिभक्ताश्च निष्कामाः स्वधर्म्मरहिता द्विजाः
स्वधर्म्मरहिता विप्रा देवान्यसेविनः सदा
स्वधर्म्मनिरताश्चैवं वर्णाश्चत्वार एव च
स्वधर्म्मरहितास्ते च नरकं यान्ति हि ध्रुवम् 2.26.
स्वधर्मनिरता विप्राः स्वधर्मनिरताय च
वसंति तत्र ते साध्वि यावदिन्द्राश्चतुर्दश
सकामा यांति तल्लोकं न निष्कामाश्च वैष्णवाः
गव्यं च रजतं भार्यां वस्त्रं सस्यं फलं जलम्
वसंति ते च तल्लोकं यावन्मन्वन्तरं सति
ये ददति सुवर्णं च गां च ताम्रादिकं सति
वसन्ति तत्र ते लोके वर्षाणामयुतं सति
ददाति भूमिं विप्रेभ्यो धान्यानि विपुलानि च