वसनं भूषणं माल्यं गन्धमाचमनीयकम्
दारुसारविकारं च हेमादिनिर्मितं च वा
तीर्थोदकं च पाद्यं च पुण्यदं प्रीतिदं महत्
पवित्ररूपमर्घ्यं च दूर्वापुष्पाक्षतान्वितम्
सुगन्धि धात्रीतैलं च देहसौन्दर्य्यकारणम्
मलयाचलसम्भूतं देहशोभाविवर्द्धनम्
गन्धद्रव्योद्भवः पुण्यः प्रीतिदो दिव्यगन्धदः 2.23.
जगतां दर्शनीयं च दर्शनं दीप्तिकारणम्
तुष्टिदं पुष्टिदं चैव प्रीतिदं क्षुद्विनाशनम्
ताम्बूलं च वरं रम्यं कर्पूरादिसुवासितम्
सुशीतलं वासितं च पिपासानाशकारणम्
देहशोभास्वरूपं च सभाशोभाविवर्द्धनम्
काञ्चनादिभिराबद्धं श्रीयुक्तं श्रीकरं सदा
नानापुष्पलताकीर्णं बहुभासा समन्वितम्
सर्वमङ्गलरूपश्च सर्व मङ्गलदो वरः
शुद्धं शुद्धिप्रदं चैव शुद्धानां प्रीतिदं महत्
रत्नसारादिनिर्माणं पुष्पचन्दनसंयुतम् 2.23.
नानावृक्षसमुद्भूतं नानारूपसमन्वितम्
सिन्दूरं च वरं रम्यं भालशोभाविवर्द्धनम्
विशुद्धग्रंथिसंयुक्तं पुण्यसूत्रविनिर्मितम्
द्रव्याण्येतानि मूलेन दत्त्वा स्तोत्रं पठेत्सुधीः
सावित्रीति चतुर्थ्यन्तं वह्निजायान्तमेव च
श्रीं ह्रीं क्लीं सावित्र्यै स्वाहा विप्रजीवनरूपं च निबोध कथयामि ते
कृष्णेन दत्ता सावित्री गोलोके ब्रह्मणे पुरा
ब्रह्मा कृष्णाज्ञया भक्त्या पर्यष्टौद्वेदमातरम्
द्विजातीनां जातिरूपे प्रसन्ना भव सुन्दरि।।2.23.
नित्ये नित्यप्रिये देवि नित्यानन्दस्वरूपिणि
सर्वस्वरूपे विप्राणां मन्त्रसारे परात्परे
विप्रपापेन्धदाहाय ज्वलदग्निशिखोपमे
कायेन मनसा वाचा यत्पापं कुरुते द्विजः