एतत्ते कथितं सर्वं किं भूयः श्रोतुमिच्छसि
इत्येवमुक्त्वा सा राधा रक्तपङ्कजलोचना 2.11.
गङ्गा रहस्यं योगेन ज्ञात्वा वै सिद्धयोगिनी
राधा योगेन विज्ञाय सर्वत्रावस्थितां च ताम्
गंगा रहस्यं योगेन ज्ञात्वा वै सिद्धयोगिनी
गोलोकं चैव वैकुण्ठं ब्रह्मलोकादिकं तथा
सर्वतो जलशून्यं च शुष्कपङ्कजगोलकम्
ब्रह्मविष्णुशिवानन्तधर्मेन्द्रेन्दुदिवाकराः
गोलोकं च समाजग्मुः शुष्ककण्ठौष्ठतालुकाः
वरं वरेण्यं वरदं वरिष्ठं वरकारणम्
निरीहं च निराकारं निर्लिप्तं च निराश्रयम्
स्वेच्छामयं च साकारं भक्तानुग्रहविग्रहम् ।। 2.11.
परं परेशं परमं परमात्मानमीश्वरम्
सगद्गदा साश्रुनेत्राः पुलकाङ्कितविग्रहाः
ज्योतिर्मयं परं ब्रह्म सर्वकारणकारणम्
सेव्यमानं च गोपालैः श्वेतचामरवायुना
वल्गुवेषैः परिवृतं गोपैश्च शतकोटिभिः
नवीननीरदश्यामं किशोरं पीतवाससम्
कोटिचन्द्रप्रभाजुष्टपुष्टश्रीयुक्तविग्रहम्
कोटिकन्दर्पसौन्दर्य्यलीलालावण्यविग्रहम्
भूषणैर्भूषिताभिश्च महारत्नविनिर्मितैः
प्राणाधिकप्रियतमाराधावक्षःस्थलस्थितम् परिपूर्णतमं रासे ददृशुः सर्वतः सुराः ।। 2.11.
मुनयो मानवाः सिद्धास्तपसा च तपस्विनः
परस्परं समालोच्य ते तमूचुश्चतुर्मुखम्
ब्रह्मा तद्वचनं श्रुत्वा स्थितं विष्णोस्तु दक्षिणे
परमानन्दयुक्तं च परमानन्दरूपकम्
सर्वं समानवेषं च सभानासनसंस्थितम्
द्विभुजं मुरलीहस्तं वनमालाविभूषितम्
अतीव कमनीयं च सुन्दरं शान्तविग्रहम्
वाससा यशसाऽऽकृत्या मूर्त्या सुन्दरया समम्