किरीटिनः कुण्डलिनो रत्नभूषणभूषिताः
चतुर्भुजान्पार्षदांश्च ददौ नारायणाय च
द्विभुजाः श्यामवर्णाश्च जपमालाकरा वराः
दास्यो नियुक्ता दसाश्चैवार्घ्यमादाय यत्नतः
पुलकाङ्कितसर्वाङ्गाः साश्रुनेत्राः सगद्गदा
आविर्बभूवुः कृष्णस्य दक्षनेत्राद्भयङ्कराः 1.5.
दिगम्बरा महाकाया ज्वलदग्निशिखोपमाः
रुरुसंहारकालाख्या असितक्रोधभीषणाः
आविर्बभूव कृष्णस्य वामनेत्राद्भयङ्करः
दिगम्बरो महाकायस्त्रिणेत्रश्चन्द्रशेखरः
डाकिन्यश्चैव योगिन्यः क्षेत्रपालाः सहस्रशः
सुरास्त्रिकोटिसंख्याता दिव्यमूर्तिधरावराः
सौतिरुवाच नारायणाय प्रददौ रत्नेन्द्रं मालया सह
सावित्रीं ब्रह्मणे प्रादान्मूर्तिं धर्माय सादरम्
अन्याश्च या या अन्यभ्यो याश्च येभ्यः समुद्भवाः
ततः शंकरमाहूय सर्वेशो योगिनां गुरुम्
श्रीकृष्णस्य वचः श्रुत्वा प्रहसन्नीललोहितः
श्रीमहेश्वर उवाच त्वद्भक्त्यैकव्यवहितां दास्यमार्गविरोधिनीम्
तत्त्वज्ञानसमाच्छन्नां योगद्वारकपाटिकाम्
तपस्याच्छन्नरूपां च महामोहकरण्डिकाम्
शश्वद्विबुद्धिजननीं सद्बुद्धिच्छेदकारिणीम्
नेच्छामि गृहिणीं नाथ वरं देहि मदीप्सितम् 1.6.
त्वद्भक्तिविषये दास्ये लालसा वर्द्धतेऽनिशम्
त्वन्नामपञ्चवक्त्रेण गुणं सन्मङ्गलालयम्
आकल्पकोटिकोटिं च तद्रूपध्यानतत्परम्
त्वत्सेवने पूजने च वन्दने नाम कीर्तने
स्मरणं कीर्त्तनं नाम गुणयोः श्रवणं जपः
समर्पणं चात्मनश्च नित्यं नैवेद्यभोजनम्
सार्ष्टिसालोक्यसारूप्यसामीप्यं साम्यलीनताम्
अणिमालघिमाप्राप्तिः प्राकाम्यं महिमा तथा