गणेशं विघ्ननाशाय निष्पापाय दिवाकरम्
शिवं ज्ञानाय तदिनां शिवां बुद्धिविवृद्धये
दध्यावनेन तद्ध्यानं शृणु नारद तत्त्वतः
श्वेतचम्पकवर्णाभां गङ्गां पापप्रणाशिनीम्
वह्निशुद्धांशुकाधानां रत्नभूषणभूषिताम्
ईषद्धासप्रसन्नास्यां शश्वत्सुस्थिरयौवनाम्
बिभ्रतीं कबरीभारं मालतीमाल्यसंयुताम् 2.10.
कस्तूरीपत्रकं गण्डे नानाचित्रसमन्वितम्
मुक्तापंक्तिप्रभाजुष्टदन्तपंक्तिमनोहराम्
कठिनं श्रीफलाकारं स्तनयुग्मं च बिभ्रतीम्
स्थलपद्मप्रभाजुष्टपादपद्मयुगंधराम्
देवेन्द्रमौलिमन्दारमकरन्दकणारुणम्
तपस्विमौलिनिकरभ्रमरश्रेणिसंयुतम्
वरां वरेण्यां वरदां भक्तानुग्रहकातराम्
इति ध्यानेन चानेन ध्यात्वा त्रिपथगां शुभाम्
आसनं पाद्यमर्घ्यं च स्नानीयं चानुलेपनम्
वसनं भूषणं माल्यं गंधमाचमनीयकम् 2.10.
दत्त्वा भक्त्या संप्रणमेत्स्तुत्वा तां संपुटाञ्जलिः
स्तोत्रं वै कौथुमोक्तं च संवादं विष्णुवेधसोः
श्रीब्रह्मोवाच विष्णो विष्णुपदीस्तोत्रं पापघ्नं पुण्यकारणम्
श्रीनारायण उवाच राधांगद्रवसम्भूतां तां गङ्गां प्रणमाम्यहम्
या जन्मसृष्टेरादौ च गोलोके रासमण्डले
गोपैर्गोपीभिराकीर्णे शुभे राधामहोत्सवे
कोटियोजनविस्तीर्णा दैर्घ्ये लक्षगुणा ततः
षष्टिलक्षैर्योजनैर्या ततो दैर्घ्ये चतुर्गुणा
विंशल्लक्षैर्योजनैर्या ततो दैर्घ्ये चतुर्गुणा
त्रिंशल्लक्षैर्योजनैर्या दैर्घ्ये पञ्चगुणा ततः 2.10.
षड्योजनसुविस्तीर्णा दैर्घ्ये दशगुणा ततः
लक्षयोजनविर्स्तार्णा दैर्घ्ये सप्तगुणा ततः
लक्षयोजनविस्तीर्णा दैर्घ्ये षड्गुणिता ततः