लाक्षालोहरसानां च व्यापारं लवणस्य च
शूद्रान्नभोजिनः सर्वे सर्वे च वृषलीरताः
यज्ञसूत्रविहीनाश्च सन्ध्याशौचविहीनकाः
पुंश्चली वार्धुषाऽवीरा कुट्टिनी च रजस्वला
अन्नानां निर्णयो नास्ति योनीनां च विशेषतः
एवं कलौ संप्रवृत्ते सर्वे म्लेच्छमया भवे
विप्रस्य विष्णुयशसः पुत्रः कल्की भविष्यति
दीर्घेण करवालेन दीर्घघोटकवाहनः
निर्म्लेच्छां वसुधां कृत्वा चान्तर्द्धानं करिष्यति 2.7.
स्थूलप्रमाणं षड्रात्रं वर्षाधाराप्लुता मही
ततश्च द्वादशादित्याः करिष्यन्त्युदयं मुने
कलौ गते च दुर्द्धर्षे संप्रवृत्ते कृते युगे
तपस्विनश्च धर्मिष्ठा वेदज्ञा ब्राह्मणा भुवि
राजानः क्षत्रियाः सर्वे विप्रभक्ताः स्वधर्मिणः
वैश्या वाणिज्यनिरता विप्रभक्ताश्च धार्मिकाः
विप्रक्षत्त्रविशां वंशा विष्णुयज्ञपरायणाः
श्रुतिस्मृतिपुराणज्ञा धर्मज्ञा ऋतुगामिनः
धर्मस्त्रिपाच्च त्रेतायां द्विपाच्च द्वापरे स्मृतः
वाराः सप्त यथा विप्र तिथयः षोडश स्मृताः 2.7.
द्वौ पक्षौ चायने द्वे च चतुर्भिः प्रहरैर्दिनम्
वर्षः पञ्चविधो ज्ञेयः कालसंख्यां निबोध मे
वर्षे पूर्णे नराणां च देवानां च दिवानिशम् देवानां च युगो ज्ञेयः कालसंख्याविदां मतः
मन्वन्तरं तु दिव्यानां युगानामेकसप्ततिः
अष्टाविंशतिमे चेन्द्रे गते ब्राह्मं दिवानिशम्
प्रलयः प्राकृतो ज्ञेयस्तत्रादृष्टा वसुन्धरा
ऋषयो जीविनः सर्वे लीनाः कृष्णे परात्परे
लये प्राकृतिकेऽतीते पाते च ब्रह्मणो मुने
एवं नश्यन्ति सर्वाणि ब्रह्माण्डान्यखिलानि च
निमेषमात्रः प्रलयो यत्र विश्वं जलप्लुतम् 2.7.
एवं कतिविधा सृष्टिर्लयः कतिविधोऽपि वा