शालग्रामो हरेर्मूर्त्तिर्जगन्नाथश्च भारतम्
वैष्णवाश्च पुराणानि शङ्खाश्च श्राद्धतर्पणम्
हरिपूजा हरेर्नाम तत्कीर्त्तिगुणकीर्त्तनम्
सत्त्वं च सत्यं धर्मश्च वेदाश्च ग्राम्यदेवताः
वामाचाररताः सर्वे मिथ्याकापट्यसंयुताः
एकादशीविहीनाश्च सर्वे धर्मविवर्जिताः
शठाः क्रूरा दाम्भिकाश्च महाहङ्कारसंयुताः
पुंसां भेदस्तथा स्त्रीणां विवाहो वादनिर्णयः
सर्वे जनाः स्त्रीवशाश्च पुंश्चल्यश्च गृहे गृहे 2.7.
गृहेश्वरी च गृहिणी गृही भृत्याधिकोऽधमः
कर्त्तारो बलिनो गेहे योनिसम्बन्धिबान्धवाः
यथा परिचिता लोकास्तथा पुंसश्च बान्धवाः
ब्रह्मक्षत्त्रियविट्शूद्रा जात्या चारविनिर्णयः
म्लेच्छाचारा भविष्यन्ति वर्णाश्चत्वार एव च ब्रह्मक्षत्रविशां वंशाः शूद्राणां सेवकाः कलौ
सूपकारा भविष्यन्ति धावका वृषवाहकाः
फलहीनाश्च तरवोऽपत्यहीनाश्च योषितः
दम्पती प्रीतिहीनौ च गृहिणः सुखवर्जिताः
जलहीना नदा नद्यो दीर्घिकाः कन्दरादयः
लक्षेषु पुण्यवान्कोऽपि न तिष्ठति ततः परम् 2.7.
कुवार्त्ताः कुत्सितपथा भविष्यन्ति ततः परम्
केचित्स्वल्पकुटीरेण नरेण च समन्विताः
अरण्यवासिनः सर्वे जनाश्च करपीडिताः
क्षेत्राणि सस्यहीनानि प्रकृष्टान्यर्थतः परम्
प्रकृष्टवंशजा हीना भविष्यन्ति कलौ युगे
पापिनः पुण्यवन्तश्चाप्यशिष्टः शिष्ट एव च
तपस्विनः पातकिनो विष्णुभक्ता अवैष्णवाः
भिक्षुवेषधरा धूर्त्ता निन्दन्त्युपहसन्ति च
पूजितास्ते भविष्यन्ति वञ्चका ज्ञानदुर्बलाः
अल्पायुषो जरायुक्ता यौवनेषु कलौ युगे 2.7.
अष्टवर्षा च युवती रजोयुक्ता च गर्भिणी