आविर्बभूव कन्यैका कृष्णस्य वामपार्श्वतः
रासे संभूय गोलोके सा दधाव हरेः पुरः
प्राणाधिष्ठातृदेवी सा कृष्णस्य परमात्मनः
देवी षोडशवर्षीया नवयौवनसंयुता
सुकोमलांगी ललिता सुन्दरीषु च सुन्दरी
बन्धुजीवजिता रक्तसुन्दरोष्ठा धरावरा 1.5.
शरत्पार्वणकोटीन्दुशोभामृष्टशुभानना
खगेन्द्रचञ्चुविजितचारुनासा मनोहरा
दधती चारुकर्णे च रत्नाभरणभूषिते
सिन्दूरबिन्दुसंयुक्तसुकपोला मनोहरा
सुगन्धकबरीभारं सुन्दरं दधती सती
गमनं कुर्वती सा च हंसखञ्जनगञ्जनम्
हारं हीरकनिर्माणं रत्नकेयूरकङ्कणम्
अमूल्यरत्ननिर्माणं क्वणन्मञ्जीररञ्जितम्
सा च सम्भाष्य गोविन्दं रत्नसिंहासने वरे
तस्याश्च लोमकूपेभ्यः सद्यो गोपाङ्गनागणः 1.5.
लक्षकोटीपरिमितः शश्वत्सुस्थिरयौवनः
कृष्णस्य लोमकूपेभ्यः सद्यो गोपगणो मुने
त्रिंशत्कोटिपरिमितः कमनीयो मनोहरः
कृष्णस्य लोमकूपेभ्यः सद्यश्चाविर्बभूव ह
बलीवर्दाः सुरभ्यश्च वत्सा नानाविधाः शुभाः
तेषामेकं बलीवर्दं कोटिसिंहसमं बले
कृष्णांघ्रिनखरन्धेभ्यो हंसपङ्क्तिर्मनोहरा
तेषामेकं राजहंसं महाबलपराक्रमम्
वामकर्णस्य विवरात्कृष्णस्य परमात्मनः
तेषामेकं च श्वेताश्वं धर्मार्थं वाहनाय च 1.5.
दक्षकर्णस्य विवरात्पुंसश्च सुरसंसदि
तेषामेकं ददौ कृष्णः प्रकृत्यै परमादरम्
कृष्णो योगेन योगीन्द्रश्चकार रथपञ्चकम्
लक्षयोजनमूर्ध्वे च प्रस्थे च शतयोजनम्