स्वस्तिकं शर्करां शुक्लधान्यस्याक्षतमक्षतम् 2.4.
घृतसैन्धवसंस्कारैर्हविष्यैर्व्यञ्जनैस्तथा
पिष्टकं स्वस्तिकस्यापि पक्वरम्भाफलस्य च
नारिकेलं तदुदकं केशरं मूलमार्द्रकम् कालदेशोद्भवं पक्वफलं शुक्लं सुसंस्कृतम्
सुगन्धि शुक्लपुष्पं च गन्धाढ्यं शुक्लचन्दनम् माल्यं च शुक्लपुष्पाणां मुक्ताहीरादिभूषणम्
यद्दृष्टं च श्रुतौ ध्यानं प्रशस्तं श्रुतिसुन्दरम्
सरस्वतीं शुक्लवर्णां सस्मितां सुमनोहराम्
वह्निशुद्धांशुकाधानां सस्मितां सुमनोहराम्
सुपूजितां सुरगणैर्ब्रह्मविष्णुशिवादिभिः
एवं ध्यात्वा च मूलेन सर्वं दत्त्वा विचक्षणः
येषां स्यादिष्टदेवीयं तेषां नित्यं शुभं मुने 2.4.
सर्वोपयुक्तमूलं च वैदिकाष्टाक्षरः परः सरस्वती चतुर्थ्यन्तो वह्निजायान्त एव च
श्रीं ह्रीं सरस्वत्यै स्वाहा
पुरा नारायणश्चेमं वाल्मीकाय कृपानिधिः
भृगुर्ददौ च शुक्राय पुष्करे सूर्य्यपर्वणि
भृगवे च ददौ तुष्टो ब्रह्मा बदरिकाश्रमे विभाण्डको ददौ मेरावृष्यशृङ्गाय धीमते
शिवः कणादमुनये गौतमाय ददौ मुने
शेषः पाणिनये चैव भरद्वाजाय धीमते
चतुर्लक्षजपेनैव मन्त्रसिद्धिर्भवेन्नृणाम्
कवचं शृणु विप्रेन्द्र यद्दत्तं विधिना पुरा
भृगुरुवाच सर्वज्ञ सर्वजनक सर्वपूजकपूजित ।। 2.4.
सरस्वत्याश्च कवचं ब्रूहि विश्वजयं प्रभो
ब्रह्मोवाच श्रुतिसारं श्रुतिसुखं श्रुत्युक्तं श्रुतिपूजितम्
उक्तं कृष्णेन गोलोके मह्यं वृन्दावने वने
अतीव गोपनीयं च कल्पवृक्षसमं परम्
यद्धृत्वा पठनाद्ब्रह्मन्बुद्धिमांश्च बृहस्पतिः
पठनाद्धारणाद्वाग्ग्मी कवीन्द्रो वाल्मिकी मुनिः
कणादो गौतमः कण्वः पाणिनिः शाकटायनः
धृत्वा वेदविभागं च पुराणान्यखिलानि च
शातातपश्च संवर्त्तो वसिष्ठश्च पराशरः