सहस्रवत्सरान्ते तड्डिम्भरूपं बभूव ह
यस्यैक लोमविवरे विश्वैकस्य व्यवस्थितिः
स एव षोडशांशोऽपि कृष्णस्य परमात्मनः
महार्णवे शयानः स पद्मपत्रं यथा जले
तौ जलाच्च समुत्थाय ब्रह्माणं हन्तुमुद्यतौ
बभूव मेदिनी कृत्स्ना कार्त्स्न्येन मेदसा तया
मम संदेहभेदार्थं तन्मे व्याख्यातुमर्हसि
सर्वादिसृष्टिकथनं यन्मया कथितं द्विज
सर्वादिसृष्टौ क्लृप्तौ च नारायणमहेश्वरौ
सर्वादौ ब्रह्मकल्पस्य चरितं कथितं द्विज
ब्राह्मवाराहपाद्माश्च कल्पाश्च त्रिविधा मुने
सत्यं त्रेता द्वापरं च कलिश्चेति चतुर्युगम्
मन्वन्तरं तु दिव्यानां युगानामेकसप्ततिः
त्रिशतैश्च षष्ट्यधिकैर्दिनैर्वर्षं च ब्रह्मणः
एतन्निमेषकालस्तु कृष्णस्य परमात्मनः
क्षुद्रकल्पा बहुतरास्ते संवर्तादयः स्मृताः 1.5.
ब्रह्मणश्च दिनेनैव स कल्पः परिकीर्तितः
ब्राह्मवाराहपाद्माश्च त्रयः कल्पा निरूपिताः
ब्राह्मे च मेदिनीं सृष्ट्वा स्रष्टा सृष्टिं चकार सः
वाराहे तां समुद्धृत्य लुप्तां मग्नां रसातलात्
पाद्मे विष्णोर्नाभिपद्मे स्रष्टा सृष्टिं विनिर्ममे
एतत्तु कालसंख्यानमुक्तं सृष्टिनिरूपणे
एतान्सृष्ट्वा किं चकार तन्मे व्याख्यातुमर्हसि
एतान्सृष्ट्वा जगामासौ सुरम्यं रासमण्डलम्
रम्याणां कल्पवृक्षाणां मध्येऽतीव मनोहरम्
चन्दनागुरुकस्तूरीकुङ्कुमैश्च सुसंस्कृतम् 1.5.
पट्टसूत्रग्रन्थियुक्तं नवचन्दनपल्लवैः
सद्रत्नसारनिर्माणमण्डपानां त्रिकोटिभिः
शृंगारार्हभोगवस्तुसमूहपरिवेष्टितम्
तत्र गत्वा च तैः सार्धं समुवास जगत्पतिः