परिधाय स्निग्धवस्त्रं गृहं च प्रविशेद्गृही
जङ्घोर्ध्वतश्च यो विप्रः पादौ प्रक्षालयेद्यदा
उपविश्यासने ब्रह्मञ्छुचिराचम्य साधकः
शालग्रामे मणौ मन्त्रे प्रतिमायां जले स्थले 1.26.
सर्वेषु शस्ता पूजा च शालग्रामे च नारद
स स्नातः सर्वतीर्थेषु सर्वयज्ञेषु दीक्षितः
शालग्रामजलं भक्त्या नित्यमश्नाति यो नरः
शालग्रामशिलाचक्रं यत्र तिष्ठति नारद
तत्र यो हि मृतो देही ज्ञानाज्ञानेन दैवतः
शालग्रामं विनाऽन्यत्र कः साधुः पूजयेद्धरिम्
पूजाधारश्च कथितः श्रूयतां पूजनक्रमः
कश्चिद्ददाति हरये चोपचारांश्च षोडश
कश्चिद्द्वादश वस्तूनि पञ्च वस्तूनि कश्चन
आसनं वसनं पाद्यमर्घ्यमाचमनीयकम् 1.26.
गन्धं माल्यं च शय्यां च ललितां सुविलक्षणाम्
गन्धान्नतल्पताम्बूलं विना द्रव्याणि द्वादश
सर्वाण्येतानि मूलेन दद्यात्साधकसत्तमः
आदौ कृत्वा भूतशुद्धिं प्राणायामं ततः परम्
वर्णन्यासं विनिर्वर्त्य चार्घ्यपात्रं विनिर्दिशेत्
जलेनापूर्य्य शङ्खं च तत्र संस्थापयेद्द्विजः
पूजोपकरणं तेन जलेन क्षालयेत्पुनः
ध्यानेन गुरुदत्तेन ध्यायेत्कृष्णमनन्यधीः
अङ्ग प्रत्यङ्गदेवं च तन्त्रोक्तं पूजयेद्धरिम्
दत्त्वोपहारं विविधं स्तुत्वा च कवचं पठेत् 1.26.
कृत्वा वै देवपूजां च यज्ञं कुर्य्याद्विचक्षणः
नित्यश्राद्धं यथाशक्ति दानं वित्तानुरूपकम्
इति ते कथितं सर्वं वेदोक्तं सूत्रमुत्तमम्
नारद उवाच यतीनां वैष्णवानां च विधवाब्रह्मचारिणाम्
किं कर्त्तव्यमकर्त्तव्यमभोग्यं भोग्यमेव वा
महेश्वर उवाच कश्चित्समीरणाहारी फलाहारी च कश्चन