वल्मीकमूषिकोत्खातां मृदमन्तर्जलां तथा
अन्तःप्राण्यवपर्णां च हलोत्खातां विशेषतः
अश्वत्थमूलान्नीतां च तथैव शयनोत्थिताम्
शस्यस्थलानां क्षेत्राणामुद्यानानां मृदं त्यजेत् 1.26.
शौचहीनोऽशुचिर्नित्यमनर्हः सर्वकर्मसु
आदौ षोडशगण्डूषैर्मुखशुद्धिं विधाय च
पुनः षोडशगण्डूषैर्मुखशुद्धिं समाचरेत्
निरूपितं सामवेदे हरिणा चाह्निकक्रमे
खदिरं च शिरीषं च जातिपुन्नागशालकम्
जम्बूकं बकुलं तोक्मं पलाशं च प्रशस्तकम्
वृक्षं कण्टकयुक्तं च लतादि परिवर्जयेत्
खर्जूरं नारिकेलं च तालं च परिवर्जयेत्
शौचहीनोऽशुचि र्नित्यमनर्हः सर्वकर्मसु
प्रक्षाल्य पादावाचम्य प्रातःसन्ध्यां समाचरेत् 1.26.
स स्नातः सर्वतीर्थेषु त्रिसन्ध्यं यः समाचरेत्
यदह्ना कुरुते कर्म न तस्य फलभाग्भवेत्
स शूद्रवद्बहिष्कार्य्यः सर्वस्माद्द्विजकर्मणः
ब्रह्महत्यामात्महत्यां प्रत्यहं लभते द्विजः
कल्पं व्रजेत्कालसूत्रं यथा हि वृषलीपतिः
ब्रह्माणमीशं विष्णुं च मायां पद्मां सरस्वतीम्
स्पृष्ट्वा स्नानादिकं काले कुर्यात्साधकसत्तमः
समुद्धृत्य पञ्चपिण्डानादौ धर्मी विचक्षणः
कुर्य्यात्स्नात्वा तु सङ्कल्पं ततः स्नानं पुनर्मुने
सङ्कल्पो गृहिणां चैव कृतपातकनाशकः 1.26.
वेदोक्तमन्त्रेणानेन देहशुद्धिकृते नरः
मृत्तिके हर मे पापं यन्मया दुष्कृतं कृतम्
आरुह्य मम गात्राणि सर्वं पापं प्रमोचय
इत्युक्त्वा च जले नाभिप्रमाणे मन्त्रपूर्वकम्
तीर्थान्यावाहयेत्तत्र हस्तं दत्त्वा तपोधन
गङ्गे च यमुने चैव गोदावरि सरस्वति