नानापुष्पैर्विरचितामम्लानां चन्दनोक्षिताम्
कस्तूरीकुङ्कमाक्तं च सुगन्धिचन्दनं ततः
पारिजातस्य कुसुमं दत्तं रहसि ब्रह्मणा 4.53.
कमलं निर्मलं दिव्यं सहस्रदलमुज्ज्वलम्
अतिसारं मणीन्द्राणां मणिरत्नं च कौस्तुभम्
आसवं रत्नपात्रस्थं दस्रदत्तं च निर्जने
मालतीमाधवीकुन्दमन्दारचम्पकादिकम्
सुदुर्लभं च ताम्बूलं कर्पूरादिसुसंस्कृतम्
सुदुर्लभं च विश्वेषु वाक्पतेः परिनिर्मितम्
अतिसूक्ष्ममनुपमं दत्तं भक्त्या विराजितम्
देवराजेन दत्तं च गजराजेन्द्रमौक्तिकम्
एतस्मिन्नन्तरे तत्र सुशीलाद्याश्च गोपिकाः
षष्टिसत्कोटिगोपीभिः सार्धं संहृष्टमानसाः 4.53.
काश्चिच्चंदनहस्ताश्च काश्चिच्चामरवाहिकाः
काश्चित्सिंदूरहस्ताश्च काश्चित्कंकतिकाकराः
काश्चिद्दर्पणहस्ताश्च पुष्पपात्रधरा वराः
काश्चिदासवहस्ताश्च काश्चिद्भूषणवाहिकाः
स्वरयंत्रकराः काश्चिद्वीणाहस्ताश्च काश्चन
गोलोकादागतायाश्च भारतं राधया सह
काश्चिच्चक्रुश्च सेवां च राधायाः श्वेतचामरैः
काचिद्ददौ च ताम्बूलं भक्षणार्थे महामुने
प्रतस्थौ गोपिकासार्द्धं राधावक्षःस्थलस्थितः
क्षणं चखाद ताम्बूलं क्षणं निद्रां ययौ मुदा 4.53.
क्षणं जलविहारं च चकार यमुनाजले
स्वेच्छामयस्यात्मनश्च परिपूर्णतमस्य च
ब्रह्मविष्णुशिवादीनामीश्वरस्य परस्य च
उक्तं किशोरचरितं किं भूयः श्रोतुमिच्छसि
नारद उवाच कथं जगाम भगवान्मथुरां नन्दमन्दिरात्
नन्दो दधार प्राणांश्च विच्छेदेन हरेः कथम्
चक्षुर्निमेषविच्छेदाद्या राधा न हि जीवति