भक्त्या पाद्यादिभिर्माल्यैर्दिव्यगंधमनोहरैः
यौतुकानि ददौ तस्मै रत्नानि विविधानि च
गवां लक्षं गजेंद्राणां सहस्राणि च राधिके
त्रिंशल्लक्षं हयानां च सज्जितानामकातरः
शतं द्विजबटूनां च पार्वतीभ्रातृकल्पकम् 4.44.
पार्वतीं वस्तुसहितां स्वस्तीत्युच्चार्य शंकरः
हिमालयः सुतां दत्त्वा परिहारं चकार तम्
हिमालय उवाच सर्वात्मरूप सर्वेश परमानंदविग्रह
गुणार्णव गुणातीत गुणयुक्त गणेश्वर
योगाधार योगरूप योगज्ञ योगकारण
प्रलयप्रलयाद्यैकभवप्रलयकारण
संहारकाले घोरे च सृष्टिसंहारकारण
कालस्वरूप कालेश काले च फलदायक
शिवस्वरूप शिवद शिवबीज शिवाश्रय
इत्येवं स्तवनं कृत्वा विरराम हिमालयः 4.44.
हिमालयकृतं स्तोत्रं संयतो यः पठेन्नरः
अथ वेदविधानेन संस्थाप्य वह्निमीश्वरः
निवृत्ते विधिवद्यज्ञे विप्राय दक्षिणां ददौ
अथ प्रदीपमानीय शैलेंद्रनगरस्त्रियः
कृत्वा जयध्वनिं प्रीत्या शुभनिर्मञ्छनादिकम्
वासगेहं संप्रविश्य ददृशुः कामिनीगणाः
चन्दनागुरुकस्तूरीकुंकुमांचितविग्रहम्
अपूर्वसूक्ष्मवेषाढ्यं सिंदूरबिंदुभूषितम्
नवीनयौवनस्थं च मुनीन्द्रचित्तमोहनम्
अदितिं च शचीं चैव लोपामुद्रामरुंधतीम्
शतरूपां च संज्ञां च सतीस्त्रीणां च षोडश 4.45.
या याः स्थितास्तत्र तासां संख्यां कर्तुं च कः क्षमः तमूचुः क्रमशो देव्यो मधुरोक्तिं सुधामिव
सरस्वत्युवाच दृष्ट्वा प्रियास्यं चंद्राभं संतापं त्यज कामुक
कालं गमय कालेश सदा संश्लेषपूर्वकम्
लक्ष्मीरुवाच तिष्ठ संप्रति का लज्जा प्राणा यांति यया विना