भद्रे भद्रप्रदे दुर्गे दुर्गघ्ने दुर्गनाशिनि
सर्वस्वरूपे सर्वेशि सर्वबीजस्वरूपिणि
सर्वमङ्गलरूपे च सर्वमङ्गलदायिनि
निद्रे तन्द्रे क्षमे श्रद्धे तुष्टिपुष्टिस्वरूपिणि
दये जये महामाये प्रसीद जगदम्बिके 4.43.
लक्ष्मीर्नारायणक्रोडे स्रष्टुर्वक्षसि भारति
कलाकाष्ठास्वरूपे च दिवारात्रिस्वरूपिणि
कारणे सर्वशक्तीनां कृष्णस्योरसि राधिके
यशःस्वरूपे यशसां कारणे च यशःप्रदे
समस्तकामिनीरूपे कलांशेन प्रसीद मे
प्रसीद परमानन्दे कारणे सर्वसंपदाम्
आधारे सर्वजगतां रत्नाधारे वसुन्धरे ।। चराचरस्वरूपे च प्रसीद मम मा चिरम्
योगस्वरूपे योगीशे योगदे योगकारणे
सर्वसिद्धिस्वरूपे च सर्वसिद्धिप्रदायिनि
व्याख्यानं सर्वशास्त्राणां मतभेदे महेश्वरि 4.43.
केचिद्वदन्ति प्रकृतेः प्राधान्यं पुरुषस्य च
महाविष्णोर्नाभिदेशे स्थितं तं कमलोद्भवम्
दृष्ट्वा स्तुतिं प्रकुर्वन्तं ब्रह्माणं रक्षितुं पुरा
नारायणस्त्वद्भक्त्या च जघान तौ महासुरौ
अधुना रक्ष मामीशे प्रदग्धं विरहाग्निना
इत्युक्त्वा विरतः शंभुर्ददर्श गगनस्थिताम्
तप्तकाञ्चनवर्णाभां रत्नाभरणभूषिताम्
दृष्ट्वा तां विरहासक्तः पुनस्तुष्टाव सत्वरम्
दर्शयामासास्थिमालां स्वांगस्थं भस्मभूषणम् 4.43.
इहलोके सुखं भुक्त्वा स याति शिवमन्दिरम्
वसिष्ठस्य वचः श्रुत्वा सगणोऽपि हिमालयः
अरुन्धती च तां मेनां बोधयामास कातराम्
अरुन्धतीं भोजयित्वा बुभुजे भोगमुत्तमम्
ततः संभृतसंभारो वसिष्ठस्याज्ञया प्रिये
ततः प्रस्थापयामास शिवं मङ्गलपत्रिकाम्