पूर्णमब्दं महायोगी विरहातुरमानसः
बभूव सिद्धपीठानां समूहो वाञ्छितप्रदः
अस्थिमालां विनिर्माय चकार कण्ठभूषणम्
सति प्राणेश्वरीत्युक्त्वा पुनर्मूर्च्छामवाप सः
स्वात्मारामः पूर्णकामो निश्चेष्टो विरहज्वरात्
दृष्ट्वा देवाः समाजग्मुर्विस्मिताः शिवसन्निधिम् 4.43.
रत्नयानेनाजगाम पद्मार्चितपदाम्बुजः
ईषद्धास्यप्रसन्नास्यो वनमालाविभूषितः
समूषुरीशसदसि लक्ष्मीकान्त प्रणम्य ते रुदन्तं बोधयामास ज्ञानीशो ज्ञानिनां गुरुम्
श्रीभगवानुवाच
हितमध्यात्मसारं च दुःखशोकनिकृन्तनम्
तथापि बोधयामि त्वां सर्वज्ञं वेधसो विधिम्
व्यवहारोऽस्ति लोकेषु सर्वः सर्वपरस्परम् .
विष्णुमाया बलवती गुणयुक्तं प्रबाधते
तत्रातीते कुतस्तानि सुदिने च समागते
सर्वाण्येतानि गण्यन्ते स्वप्नानीव विपश्चितः 4.43.
चेतनां कुरु भद्रं ते सतीं प्राप्स्यसि निश्चितम्
तेजः सूर्यं महीं गन्धो तथा त्वां च सती शिव
नेत्राण्युन्मीलनं कृत्वा त्रिनेत्रः श्रूयतामिति कस्त्वं तेजःस्वरूपोऽसि क इमे तव सन्निधौ
किन्नाम भवतश्चैषां कानि नामानि का सती
क्व यास्यसि क्व यास्यामि क्व गच्छन्त इमे वद
नेत्रनीरैस्त्रिनेत्रं तं रुदन्तं प्रसिषेच सः
बभूव सरसां श्रेष्ठं तीर्थं भुवनपावनम्
स्थलं बभूव तपसां मुक्तिबीजं तपस्विनाम्
शृण्वतां सर्वदेवानां मुनीनामूर्ध्वरेतसाम् शृणु शंकर वक्ष्यामि ज्ञानानंद सनातन
ज्ञानं ज्ञाननिधे शोकाद्विस्मृतोऽसि परात्पर 4.43.
सर्वेषां प्राकृतानां च ते बीजे सुखदुःखयोः
राग ऐश्वर्यकामश्च विद्वेषश्च निरन्तरम्
हतान्येतानि सर्वाणि हते बीजे महेश्वर
तत्कर्म तपसा साध्यं कर्मणा च शुभाशुभम्