नेदुर्दुन्दुभयः स्वर्गे पुष्पवृष्टिर्बभूव ह
तनुं त्वक्वा स जीवश्च विलीनो ब्रह्मविग्रहे
आविर्भावस्तिरोभावः स्वेच्छया नित्यदेहिनाम्
सौतिरुवाच मरीचिमिश्रैमुनिभिः सार्द्धं कण्ठाद्बभूव सः
विधेर्नारदनाम्नश्च कण्ठदेशाद्बभूव सः
यः पुत्रश्चेतसो धातुर्बभूव मुनिपुंगवः
बभूव धातुर्यः पुत्रः सहसा दक्षपार्श्वतः
वेदेषु कर्दमः शब्दश्छायायां वर्त्तते स्फुटः
तेजोभेदे मरीचिश्च वेदेषु वर्त्तते स्फुटम्
क्रतुसंघश्च बालेन कृतो जन्मान्तरेऽधुना
प्रधानाङ्गमुखं धातुस्ततो जातश्च बालकः
अतितेजस्विनि भृगुर्वर्त्तते नाग्नि शौनक
बालोऽप्यरुणवर्णश्च जातः सद्योऽतितेजसा 1.22.
हंसा आत्मवशा यस्य योगेन योगिनो धुवम्
वशीभूतश्च शिष्यश्च जातः सद्यो हि बालकः
सन्ततं यस्य यत्नं च तपःसु बालकस्य च पुलस्तपःसु वेदेषु वर्त्ततेऽहः स्फुटेऽपि च
स्फुटस्तपःसमूहश्च पुलहस्तेन बालकः तपःसंघस्वरूपश्च पुलस्त्यस्तेन बालकः
त्रिगुणायां प्रकृत्यां त्रिर्विष्णावश्च प्रवर्त्तते
[http://puranastudy.page.tl/Atri-%26%232309%3B%26%232340%3B%26%232381%3B%26%232352%3B%26%232367%3B.htm अत्रि शब्दोपरि टिप्पणी] जटा वह्निशिखारूपाः पञ्च सन्ति च मस्तके
अपान्तरतमे देशे तपस्तेपेऽन्यजन्मनि
स्वयं तपः समाप्नोति वाहयेत्प्रापयेत्परान्
तपसस्तेजसा बालो दीप्तिमान्सततं मुने
कोपकाले बभूवुर्ये स्रष्टुरेकादश स्मृताः 1.22.
शौनक उवाच भवान्पुराणतत्त्वज्ञः सन्देहं छेत्तुमर्हति
सौतिरुवाच तमोगुणास्ते रुद्राश्च दुर्निवारा भयंकराः
कालाग्निरुद्रः संहर्त्ता तेष्वेकः शंकरांशकः
अन्ये कृष्णस्य च कलास्तावंशौ विष्णुशंकरौ
उक्तं रुद्रोद्भवे काले कथं विस्मरति द्विज
सनकश्च सनंदश्च तृतीयश्च सनातनः
सनकश्च सनन्दश्च तौ द्वावानन्दवाचकौ