पश्चाद्बभूव सत्पुत्रा तद्भर्तुरधिका गुणैः
रक्ष सर्वबन्धुवर्गानात्मनः सर्वसंपदम् 4.42.
लग्नाधिपे च लग्नस्थे चन्द्रे स्वतनयान्विते
मार्गशीर्षे चन्द्रवारे सर्वदोषविवर्जिते
सदपत्यप्रदेऽतीव पतिसौभाग्यदायिनि
अत्यन्तप्रेमाविच्छेदप्रदायिनि परात्परे
जगदम्बां जगत्पित्रे मूलप्रकृतिमीश्वरीम्
आविर्भूता पुरा कल्पे देवानां रक्षणाय च
अस्याः स्वतेजसा दैत्याः केचिद्दग्धाः पलायिताः
बिलं प्रविविशुः केचिन्मूर्च्छां प्रापुश्च केचन
निःशत्रवो बभूवुस्ते सुरा अस्याः प्रसादतः 4.42.
दक्षश्च विधिवद्देवीं प्रददौ शूलपाणये
बभूव कलहः शैल तेन शूलभृता महान्
दक्षश्च सगणो रुष्टः प्रययौ स्वालयं तदा
न ददौ यज्ञभागं च मात्सर्याच्छूलपाणये
निर्भर्त्स्य च बहुतरं हृदयेन विदूयता
भविष्यं कथयामास त्रिकालज्ञा परात्परा
पलायनं च देवानां यज्ञस्थानाद्गिरीश्वरम्
जयं शंकरसैन्यानां स्वात्मनो मृत्युमेव च
निर्माणं नेत्ररसः प्रबोधं च जनार्दनात्
अपरं भवितव्यं च सर्वमुक्त्वा जगाम सा 4.42.
बभूवादर्शना योगात्सर्वासां सिद्धियोगिनी
स्मृत्वा तच्चरणाम्भोजं देहं तत्याज सुन्दरी
संजहार पुरा येन दैत्यानामखिलं कुलम्
जग्मुः शंकरसेनाश्च देशयज्ञं विनश्य च
सत्वरं सर्ववृत्तान्तं कथयामासुरीश्वरम् जगाम स्वर्णदीतीरं यत्र देवीकलेवरम्
नारायण उवाच अम्लानपद्मवक्त्रां तां शयानां जाह्नवीतटे
दधतीमक्षमालां च प्रतप्तकाञ्चनप्रभाम्
दृष्ट्वा सतीशरीरं च प्रदग्धो विरहाग्निना
कलत्रशोको बलवान्स्वात्मारामं परात्परम्