साम्प्रतं बालकस्तस्थौ ध्यानस्थस्तत्र शौनक
शक्तिमान्परिपुष्टश्च सिद्धमन्त्रप्रभावत
रत्नसिंहासनस्थं च रत्नभूषणभूषितम्
गोपैर्गोपाङ्गनाभिश्च वेष्टितं पीतवाससम्
ब्रह्मविष्णुशिवाद्यैश्च स्तूयमानं परात्परम्
विरराम च शोकार्तो यदा तद्द्रष्टुमक्षमः 1.21.
बभूवाकाशवाणीति रुदन्तं बालकं प्रति
सकृद्यद्दर्शितं रूपं तदेव नाधुना पुनः
एतस्मिन्विग्रहेऽतीते संप्राप्ते दिव्यविग्रहे
इति श्रुत्वा बालकश्च विरराम मुदाऽन्वितः
नेदुर्दुन्दुभयः स्वर्गे पुष्पवृष्टिर्बभूव ह
तनुं त्वक्वा स जीवश्च विलीनो ब्रह्मविग्रहे
आविर्भावस्तिरोभावः स्वेच्छया नित्यदेहिनाम्
सौतिरुवाच मरीचिमिश्रैमुनिभिः सार्द्धं कण्ठाद्बभूव सः
विधेर्नारदनाम्नश्च कण्ठदेशाद्बभूव सः
यः पुत्रश्चेतसो धातुर्बभूव मुनिपुंगवः
बभूव धातुर्यः पुत्रः सहसा दक्षपार्श्वतः
वेदेषु कर्दमः शब्दश्छायायां वर्त्तते स्फुटः
तेजोभेदे मरीचिश्च वेदेषु वर्त्तते स्फुटम्
क्रतुसंघश्च बालेन कृतो जन्मान्तरेऽधुना
प्रधानाङ्गमुखं धातुस्ततो जातश्च बालकः
अतितेजस्विनि भृगुर्वर्त्तते नाग्नि शौनक
बालोऽप्यरुणवर्णश्च जातः सद्योऽतितेजसा 1.22.
हंसा आत्मवशा यस्य योगेन योगिनो धुवम्
वशीभूतश्च शिष्यश्च जातः सद्यो हि बालकः
सन्ततं यस्य यत्नं च तपःसु बालकस्य च पुलस्तपःसु वेदेषु वर्त्ततेऽहः स्फुटेऽपि च
स्फुटस्तपःसमूहश्च पुलहस्तेन बालकः तपःसंघस्वरूपश्च पुलस्त्यस्तेन बालकः
त्रिगुणायां प्रकृत्यां त्रिर्विष्णावश्च प्रवर्त्तते
[http://puranastudy.page.tl/Atri-%26%232309%3B%26%232340%3B%26%232381%3B%26%232352%3B%26%232367%3B.htm अत्रि शब्दोपरि टिप्पणी] जटा वह्निशिखारूपाः पञ्च सन्ति च मस्तके
अपान्तरतमे देशे तपस्तेपेऽन्यजन्मनि